بۇل تۋرالى  «نۇر وتان» پارتياسى ورتالىق اپپاراتىنىڭ باسشىسى ءمادي وسپانوۆ «سولنەچنىي مير» داۋن سيندرومى بار بالالارعا تەگىن وڭالتۋ جانە پسيحولوگيالىق كومەك كورسەتۋ ورتالىعىنداعى بۇلدىرشىندەردى مەرەكەمەن قۇتتىقتاۋ بارىسىندا مالىمدەدى.

بۇگىن «نۇر وتان» پارتياسىنىڭ «كەدەرگىسىز كەلەشەك» پارتيالىق جوباسى اياسىندا استانالىق "سولنەچنىي مير" وڭالتۋ ورتالىعىندا ەرەكشە قاجەتتىلىكتەرى بار بالالارعا ارنالعان جاڭا جىلدىق ەرتەڭگىلىك ءوتتى.

«سولنەچنىي مير» ورتالىعى داۋن سيندرومى بار بالالارعا تەگىن وڭالتۋ جانە پسيحولوگيالىق كومەك كورسەتۋ، سونداي-اق وسى مەنتالدى كەمشىلىكتەرى بار بالالاردى تاربيەلەۋدە اتا-انالارعا تەگىن كەڭەس جانە ادىستەمەلىك كومەك كورسەتەدى. 2016 جىلدىڭ قاراشا ايىنان باستاپ ونىڭ قىزمەتكەرلەرى داۋن سيندرومى بار 240-تان استام بالاعا كومەكتەستى.

بالالاردى مەرەكەمەن قۇتتىقتاۋ بارىسىدا «نۇر وتان» پارتياسى ورتالىق اپپاراتىنىڭ باسشىسى ءمادي وسپانوۆ «نۇر وتان» پارتياسى بۇگىندە «كەدەرگىسىز كەلەشەك» جوباسى اياسىندا ينكليۋزيۆتى ءبىلىم بەرۋدى دامىتۋعا، مۇمكىندىگى شەكتەۋلى جاندار ءۇشىن «كەدەرگىسىز ايماق» قۇرۋعا بەلسەندى اتسالىساتىنىن اتاپ ءوتتى.

بۇدان باسقا، ءمادي وسپانوۆ ەرەكشە قاجەتتىلىكتەرى بار ادامداردى جۇمىسقا ورنالاستىرۋ بويىنشا جۇمىستار جۇرگىزىلۋدە ەكەنىن ايتتى. ءقازىر  قازاقستاندا 400 مىڭعا جۋىق كەمباعال جان جۇمىس ىزدەۋدە دەپ مالىمدەدى.

- مۇمكىندىگى شەكتەۋلى 120 مىڭ ادام عانا جۇمىسقا ورنالاستى. وسى 4 جىل ىشىندە «نۇر وتان» پارتياسىنىڭ بوس جۇمىس ورىندارى جارمەڭكەسىنىڭ ارقاسىندا 34 500 قازاقستاندىق جۇمىسقا ورنالاستى، - دەدى ول.

سونىمەن قاتار، «نۇر وتان» پارتياسى ورتالىق اپپاراتىنىڭ باسشىسى ەلىمىزدىڭ باستى ساياسي كۇشى رەتىندە مۇمكىندىگى شەكتەۋلى ادامداردىڭ قۇقىقتارىن جۇزەگە اسىرۋ سالاسىنداعى زاڭنامانى جەتىلدىرۋ باعىتىندا جۇمىس ىستەپ جاتقاندىعىن اتاپ ءوتتى. بۇل ءۇشىن پارتيا ۇيىمىنىڭ بازاسىندا ارنايى الاڭ قۇرىلعان. وندا بارلىق ۇەۇ وزەكتى ماسەلەلەردى تالقىلاۋعا جانە شەشۋگە قاتىسا الادى.

سوڭىندا ءمادي وسپانوۆ ەرەكشە قاجەتتىلىكتەرى بار 30 بالا مەن جاسوسپىرىمدەرگە سىيلىقتار تابىستادى. سونىمەن قاتار، «نۇر وتان» پارتياسى «سولنەچنىي مير» ورتالىعىنا 1 ميلليون تەڭگە كولەمىندە ماتەريالدىق كومەك كورسەتتى.

سونداي-اق، پارتيا تاراپىنان «كەدەرگىسىز كەلەشەك» پارتيالىق جوباسى اياسىندا استانا قالاسىنىڭ كوممۋنالدىق قورى عيماراتتارىنىڭ بىرىندە ورتالىق ءۇشىن عيمارات بەرۋ مۇمكىندىگىن قاراستىرۋ تۋرالى استانا قالاسىنىڭ اكىمىنە حات جولداندى. قازىرگى ۋاقىتتا اكىمدىك بۇل ماسەلەنى شەشۋدە.

ايتا كەتەيىك، وسىنداي اكسيالار بۇگىن بۇكىل ەل بويىنشا ءوتتى – پارتيا فيليالدارى، "نۇر وتان" پارتياسىنىڭ ءىرى باستاۋىش ۇيىمدارى جوبا اياسىندا ەرەكشە قاجەتتىلىكتەرى بار بالالارعا، جەتىم بالالارعا جانە كوپ بالالى وتباسىلاردىڭ بالالارىنا سىيلىقتار تارتۋ ەتتى.