الماتى پوليسياسى دەپارتامەنتى ءۇش ادام قايتىس بولعان جول اپاتىنا كىنالى Mercedes Gelandewagen جۇرگىزۋشىسىنىڭ ۇستالعانىن مالىمدەدى. قايتىس بولعان جولاۋشىلاردىڭ ىشىندە كينو جانە تەاتر اكتريساسى شولپان ەلگەزەكوۆا دا بار ەدى.

تاعى ءبىر جولاۋشى جانساقتاۋ بولىمىندە. ول دا ەلگە تانىمال اكتريسا – ايزادا ساتىبالدييەۆا.

«جۇرگىزۋشى ۇستالدى. تەرگەۋ يزولياتورىنا جىبەرىلدى»، - دەپ حابارلادى الماتى پوليسيا دەپارتامەنتىنىڭ رەسمي وكىلى سالتانات ازىربەك.

بۇعان قوسا پوليسيانىڭ حابارلاۋىنشا، جۇرگىزۋشىگە ەكى ءتۇرلى ايىپپەن كۇدىكتى سانالىپ وتىر. ق ر قىلمىستىق كودەكستىڭ 345-بابىنىڭ 3-بولىمىنە سايكەس (وسى باپتىڭ بiرiنشi ءبولiگiندە كوزدەلگەن، ادامنىڭ ابايسىزدا قايتىس بولۋىنا اكەپ سوقتىراتىن ارەكەت) ءارى 347-باپقا سايكەس (جول-كولىك وقيعاسى ورنىنان تايىپ تۇرۋ) ايىپتالدى.

♦شولپان ەلگەزەكوۆا قايتىس بولعان جول اپاتىنىڭ ۆيدەوسى پايدا بولدى

بۇدان بولەك اپاتتان ءۇش ادامنىڭ قايتىس بولعانى انىقتالدى. ءبىرى  - Mercedes Gelandewagen كولىگى سوققان Mitsubishi Galant جۇرگىزۋشىسى، قالعان ەكەۋى سول كولىكتە وتىرعان جولاۋشىلار. تاعى ءبىر جولاۋشى اۋىر حالدە جانساقتاۋ بولىمىنە جەتكىزىلدى.

Qamshy.kz اقپارات اگەنتتىگى ءتىلشىسى اۋىر حالدە جاتقان ايزادا ساتىبالدييەۆانىڭ تۋىسى قاناعات ابىلقايىرمەن تىلدەستى.

ايەلدىڭ جۇبايى، اقىن باقىت بەدەلحان اۋرۋحانادا، ايەلىنىڭ جانىندا كورىنەدى. ال قاناعات ءابىلقايىر جەڭگەسىنىڭ تەز ساۋىعىپ كەتۋىن ءارى جول اپاتىنا كىنالى ادامنىڭ قاتاڭ جازالانۋىن تالاپ ەتىپ وتىر.