الەۋمەتتىك جەلىدە تەاتر جانە كينو اكتريساسى قايتىس بولعان جول اپاتىنان ۆيدەوسى تارالدى. ۆيدەونى تۇسىرگەن كۋاگەردىڭ ايتۋىنشا، Mersedes Gelandewagen كولىگى باعدارشامنىڭ «قىزىل» تۇسىنە ءوتىپ كەتىپ، اكتريسا وتىرعان كولىككە سوعىلعان.

جول اپاتى 29 جەلتوقساندا تاڭعا جۋىق اباي جانە سەيفۋللين كوشەلەرىنىڭ قيىلىسىندا ورىن الدى.

«اندا ءبىر ايەلدىڭ اپكەسى قايتىس بولىپتى. جۇرگىزۋشى قاشىپ كەتتى دەيدى»، - دەپ جازىلعان Instagram جەلىسىندەگى kris_p_brothers پاراقشاسىنداعى ۆيدەونىڭ استىنا. ەسكەرتە كەتەيىك، ۆيدەودا بوعاۋىز سوزدەر قولدانىلعان.

ال جول اپاتىنان كەيىنگى وقيعانى ۆيدەوعا تۇسىرگەن كۋاگەردىڭ ايتۋىنشا، Mersedes Gelandewagenء-نىڭ باعدارشامنىڭ قىزىل تۇسىنەن 120 كيلومەتر جىلدامدىقپەن ءوتىپ كەتكەن، ناتيجەسىندە Mitsubishi Galant كولىگىن سوققان.

پوليسيانىڭ حابارلاۋىنشا، سوققىنىڭ سالدارىنان جەڭىل كولىك جول شەتىنە ۇشىپ كەتەدى.   Mitsubishi Galant جۇرگىزۋشىسى مەن اكتريسا شولپان ەلگەزەكوۆا وقيعا ورنىندا قايتىس بولدى.

اتالعان ىسكە بايلانىستى ق ر قك-نىڭ 345-بابىنا سايكەس تەرگەۋ الدى ءىس قوزعالدى.

شولپان ەلگەزەكوۆا 1973 جىلدىڭ 12 ناۋرىزىندا دۇنيەگە كەلگەن. ت. جۇرگەنوۆ اتىنداعى قازاق ۇلتتىق ونەر اكادەمياسىندا وقۋىن ءتامامداعان. قاليبەك قۋانىشبايەۆ اتىنداعى مەملەكەتتىك اكادەميالىق قازاق دراما تەاترىندا جۇمىس ىستەگەن.

ەلگەزەكوۆا بيىل شىلدەدە كورسەتىلىمگە شىققان «شابدالى» فيلمىندە باستى رولدە، «اناشىم، مەنى قالدىرما»، «ايمان-شولپان» تەلەحيكايالارىندا ويناعان.