پوليسەيلەردىڭ جاڭا جىلمەن قۇتتىقتاعان ۆيدەوسىنا قاتىستى ق ر ءىىم تۇسىنىكتەمە بەردى.
مينيسترلىكتىڭ حابارلاۋىنشا، ۆيدەونى قاراعاندى قالاسىنداعى اكادەميانىڭ ءبىرىنشى كۋرس جەتەكشىسىنىڭ ورىنباسارى تۇسىرگەن.
«ۆيدەو 2018 جىلدىڭ 31 جەلتوقسانىندا تۇسىرىلگەن. اتالعان فاكتىگە بايلانىستى قىزمەتتىك تەكسەرۋ باستالدى. ۆيدەونى تۇسىرگەن قىزمەتكەر مەن ونىڭ باسشىلارى قاتاڭ جازالانادى، جۇمىستان شىعارىلۋى دا ابدەن مۇمكىن»، - دەدى ق ر ءىىم رەسمي وكىلى الماس سادۋبايەۆ.
«قۇرمەتتى باۋىرلار، سىزدەردى كىرىپ كەلە جاتقان 2019 جىلمەن قۇتتىقتايمىن. باۋىرلارىما جۇمىستا وركەندەپ وسۋلەرىن تىلەيمىن. تامىر—تانىستىعىمىزدىڭ كومەگى ۇرپاعىمىزعا دا ءتيسىن. دوستىعىمىز رياسىز بولسىن. ءبىز – باۋىرلارمىز، تۋراسىن ايتقاندا – باندامىز! قازاقستانىمىز وركەندەي بەرسىن، وتباسىمىز امان بولسىن»، - دەدى ۆيدەوداعى جىگىت.
كەيىن ارتىنداعى جاس قىزمەتكەرلەر «ۋرا!» ايعايلايدى.
پىكىر قالدىرۋ