بەلگىلى جۋرناليست سەرىك ابىكەن ۇلى ءىنىم ءوزىنىڭ Facebook-تەگى پاراقشاسىنا: «تاۋەلسىزدىك مەرەكەسىندە تەلەجوبالار ازدىعىنا قارنىم دا، جانىم دا اشىپ، تەلەبەزەر جارىقتىقتى شاعىپ تاستاي جازداپ ەدىم، جاڭا جىلدا "جارىلقاپ" جاتىر، شۇكىر. تەليەۆيزيا سالاسى حالىقتىكى ەمەس، تەلەمەنەدجەرلەردىڭ مەنشىگى ەكەنىن سەزدىرىپ، اركىم ءوز ەفيرىنە ءمىنىپ الىپ پالەنشە كۇننەن بەرى قۇتتىقتاپ جاتىر، راقمەت دەيىك!»، - دەپ جازىپتى.

باسقالاردى قايدام، بۇل اۆتوردىڭ جانايقايىن ءوز باسىم جاقسى تۇسىنەمىن. بايىرعى تەلەجۋرناليست، «قازاق تەليەۆيزياسىنىڭ ارداگەرى» رەتىندە قازاقستانداعى جالعىز ۇلتتىق ارنادان باستاپ، حابار، كتك، نتك، الماتى، استانا، 31 ت.ب. تولىپ جاتقان بىزدەگى تەلەارنالارعا كوزىم تۇسكەن سايىن قانىم شاپشىپ باسىما شىعاتىنى وتىرىك ەمەس.

مىنا جاڭا جىل كۇندەرى بۇلاردان ءوز باسىم ءىلىپ الار ءبىر تەلەحابار كورمەدىم. قاپتاعان ىرباقايلار مەن جىرباقايلار، فونوگراممامەن وتىرىك ءان شىرقاعىشتار، انا اۋزى-باستارىن قيساڭداتقىش قاباتوۆتار مەن «تۇنگى ستۋديا» دەگەن حابارسىماقتاردى جۇرگىزەتىن سايقىمازاقتاردان جالعىز مەنىڭ عانا ەمەس، بارشا قازاقتىڭ جۇرەگى اينيتىنداي كۇنگە جەتكەلى قاشان!

جوعارىداعىلاردىڭ بارلىعى دا وسى مەملەكەتتى قۇرۋشى نگىزگى ۇلت – قازاقتاردى عانا قورلاۋعا كىرىسكەندەي اسەر ەتەدى.  مەنىڭشە، بۇلاردى بەتىمەن جىبەرگەندەر – نەگىزىنەن جوعارى جاقتاعى ولاردىڭ «قۇدايلارى» بولسا، ال، سول «قۇدايلاردىڭ» قاراماعىنداعى «ءلاپباي، تاقسىرلارى!» ەكەنى ايدان انىق!

مىنا جاڭا جىل، ءبىزدىڭ قازاقتاردىڭ كوپتەن ساعىنا كۇتكەن كۇنى سياقتى ايدى اسپانعا شىعارا دۇركىرەتىپ وتكىزەردەي، باسقالاردى قايدام، مىنا تەلەارنالارعا نە بولعان سونشالىقتى؟

ءوز باسىم ولاردان ءبىر ءجىبى ءتۇزۋ، ادامي، تانىمدىق، تاعلىمدىق تەلەحابار كورە المادىم. سول باياعى داراقىلانا شاپقىلاعان ءارتىسسىماقتاردان اياق الىپ ءجۇرۋ قيىن ەدى...

سوندا بۇل بەيشارالار ءبىزدىڭ قازاققا نەگە سونشالىقتى ءوش؟ ولارعا نە جازدى مەنىڭ قايران قازاعىم؟..

جۇماش كوكبورى