الەۋمەتتىك جەلىدە پوليسيا كيىمىندەگى قىزمەتكەردىڭ قۇتتىقتاۋى تاراپ، ول جۇرتشىلىقتىڭ قىزۋ تالقىسىنا ءتۇستى. پوليسيا وكىلى  ءوزىنىڭ قۇتتىقتاۋ سوزىندە قىلمىس الەمىنىڭ ادامدارى ءجيى پايدالاناتىن سوزدەردى ايتقانى ءۇشىن جۇرتشىلىقتىڭ سىنىنا ۇشىرادى. ءسوز اراسىندا «ءبىزدىڭ براتۆا، ءبىز باندامىز» دەگەن تەڭەۋلەر كەزدەسەدى. وسىعان بايلانىستى ق ر ءىىم ىشكى جانە سىرتقى كوممۋنيكاسيالار دەپارتامەنتىنىڭ ديرەكتورى الماس سادۋبايەۆ تۇسىنىك بەردى.

 «ۆەدومستۆولىق وقۋ ورنىنىڭ لاۋازىمدى قىزمەتكەرى كوزگە تۇسكەن ۆيدەو زەرتتەلدى. ول ءوزىنىڭ ارىپتەستەرىنە قۇتتىقتاۋ جولداعان. بەينەجازبانى 2018 جىلعى 31 جەلتوقساندا ءىىم قاراعاندى اكادەمياسىندا ءبىرىنشى كۋرس باسشىسىنىڭ ورىنباسارى تۇسىرگەن»، - دەپ جازدى ا. سادۋبايەۆ فەيسبۋكتەگى پاراقشاسىندا. 

ونىڭ سوزىنە قاراعاندا، وسى وقيعا بويىنشا قىزمەتتىك تەكسەرۋ ءجۇرىپ جاتىر. بۇل تۇرعىدا اتالعان قىزمەتكەر مەن ونىڭ باسشىلارى قاتاڭ تارتىپتىك جاۋاپكەرشىلىككە تارتىلادى، سونداي-اق قىزمەتىنەن بوساتۋ شاراسى قابىلدانۋى مۇمكىن.