جەمقورلىققا قارسى اگەنتتىك تەكسەرۋ كەرەك! ءبىر اي بولدى ارۋجان ساين قورى جانە ونىڭ قىزمەتكەرى يۋريي يۋرين جايلى اڭگىمەنىڭ وربىگەنى.
يۋريي يۋرين 1986 جىلى الاڭعا شىققان جاستاردىڭ باسىنان كۇرەكپەن ۇرعانىن ماقتانىپ جازعان پىكىردى دە كوزىم شالىپ قالدى. 
وسى قورعا قاتىستى بارلىق ينتەرنەتتەگى اقپاراتتاردى وقىپ شىعىپ، مەندە وسى قورعا قاتىستى بىلەتىنىمدى جازايىن دەدىم.

2015 جىلى ارۋجان ساين مارحابات وميشيەۆا اپكەنىڭ بالاسى ەرناردىڭ سۋرەتىن شىعارىپ وپەراسياعا دەپ اقشا جينادى. 22 مىڭ دوللار اقشا جينالدى. وپەراسيا تۇركيا ەلىندە جاسالاتىن بولدى. ءبىراق مارحابات اپكەنى ارۋجان سايننىڭ قىزمەتكەرلەرى تۇركيادا تاستاپ كەتتى. اقشاعا قاتىستى تۇسىنىسپەۋشىلىكتەر بولدى، جينالعان اقشادان قورعا قالاتىن پايىزى بار ەكەن. سول سەبەپتى ولار اقشانى اۋدارمادى. قىزمەتكەرلەرىنە زۆونداپ سۇراساڭ ايقايلايدى، دۇرىس ءتۇسىندىرىپ بەرمەيدى، ءبارى ورىسشا سويلەيدى. ءبىر اۋىز قازاق ءتىلىن بىلمەيدى. نە كەرەك تۇرىك ءتىلىن بىلمەيتىن مارحابات اپكە مەنىمەن Whatsapp الەۋمەتتىك جەلىسى ارقىلى سويلەسىپ وتىرىپ، سكايپپەن شىعىپ ىشەتىن تاماق سۋىنا دەيىن ءوزى الدى. دارىگەرلەرمەن سويلەسەيىن دەسە ءتىل بىلمەيدى، ولار قالاي كەلىسكەنىن ءبىز بىلمەيمىز ابدەن ءيتىمىز شىققان بولاتىن. تۇركيادا وقۋدا جۇرگەن قاتەلەسپەسەم نۋرات يلياس اعاما شىقتىم. سول كىسىلەردىڭ كومەگىنىڭ ارقاسىندا بۇل كىسىلەر ەلگە ورالدى.

ەءندى ەرنارعا دەپ جينالعان 22 مىڭ دوللار قايدا كەتتى؟ سول اقشا سول كۇيى جوق بولدى!
نەگىزى تۇركىستاندا ينە جۇتىپ قويدى دەپ ايىپتالعان بالانىڭ اتا-اناسى:"ارۋجان سايننىڭ بىلىعىن اشقانىم ءۇشىن 1،5 جىل تەرگەلدىم"- دەگەن ەدى. سول اڭگىمە راس بولىپ وتىر. بۇلاردىڭ بىلىعىن اشاتىن ۋاقىت كەلدى.

حالىقتىڭ سالىعى قورلارعا اۋدارىلىپ جاتادى. سۋدىڭ دا سۇراۋى بار! قازاق جاستارىنىڭ باسىن جارعان ادامداردى نە ءۇشىن اسىراۋىمىز كەرەك؟ ارۋجان سايننىڭ قارجىلىق بىلىعى ءبىر باسىنا جەتىپ ارتىلادى، ەگەر شىن تەكسەرەتىن بولسا! ودان زارداپ شەككەندەر بار! سونىڭ ءبىرى - مارحابات اپكە!

ايگۇل ورىنبەكتىڭ فەيسبۋك پاراقشاسىنان