الماتىدا بولعان ءىرى جول اپاتىنىڭ ءۇشىنشى قۇربانى كىم ەكەنى بەلگىلى بولدى. ول — كوكشەتاۋدا دۇنيەگە كەلگەن، استانا قالاسىنىڭ تۇرعىنى، ەكى بالانىڭ اناسى، GuDi Group" ج ش س تاپسىرىسپەن تاماق تاسيتىن كومپانيانىڭ اتقارۋشى ديرەكتورى بولىپ قىزمەت اتقارعان دينارا قانات قىزى حاميتوۆا. اكە-شەشەسى قىزىنان، كۇيەۋى ادال جارىنان، ۇلى مەن قىزى اسىل اناسىنان ايىرىلىپ، قايعى شەكتى.

Qamshy.kz اقپارات اگەنتتىگى مارقۇم دينارانىڭ تۋىستارىنا قايعىرا كوڭىل ايتادى. اتالمىش وقيعانى باستى نازارعا العان ءبىز كىنالى جازادان قۇتىلىپ كەتپەسىن دەگەن نيەت-ويمەن وقىرمان نازارىنا جان-جاقتى اقپارات بەرىپ وتىرۋدى ءجون دەپ سانايمىز.

دينارا حاميتوۆانىڭ اسەل ەسىمدى بولەسى قىلمىسكەردىڭ قاتاڭ جازالانۋىن سۇراپ، مىنانداي جازبا جاريالاپتى:

«2018 جىلدىڭ 29 جەلتوقسانىندا تاڭعى ساعات 5:00 شاماسىندا اباي مەن سەيفۋللين كوشەلەرىنىڭ قيىلىسىندا جانتۇرشىگەرلىك جول اپاتى بولدى. كولىكتە تاكسي جۇرگىزۋشىسى مەن ءۇش جولاۋشى وتىرعان. ءۇش ادام قازا تاپتى، سونىڭ ءبىرى – مەنىڭ بولەم دينارا. ول وتە مەيىرىمدى ادام بولاتىن. اتا-اناسىنىڭ كوز-قۋانىشتارى، جالعىز قىزى ەدى. ارتىندا جان-جارى مەن ءبىر ۇلى جانە قىزى قالدى. بەيبىت كۇندە بالالار اناسىز جەتىم قالدى».