بيىل قازاقستاندا حالىق ساناعى جۇرەدى. 2019 جىلدىڭ ەڭ باستى وقيعاسى وسى حالىق ساناعى ەكەنى بەلگىلى. بۇعان مەملەكەت تە باسا ءمان بەرىپ وتىر. حالىق ساناعىنا قازىنادان 8،8 ميلليارد تەڭگە جۇمسالماق. ءبىر ەرەكشەلىگى، بيىلعى ساناق ەلەكتروندى فورماتتا وتپەك. ستاتيستيكا كوميتەتىنىڭ مالىمەتىنە قاراعاندا، ازاماتتار 89 سۇراققا جاۋاپ بەرەدى. ونىڭ ىشىندە 45 ساۋال ازاماتتاردىڭ جەكە مالىمەتتەرى مەن جوسپارىنا قاتىستى. العاشقى ساناق مامىر-ماۋسىم ايىندا، ەكىنشىسى قاراشا ايىندا وتپەك. سونىمەن قاتار، حالىق ساناعىنا 30 مىڭ ەرىكتى تارتىلاتىن بولادى. ولار ءۇي-ۇيدى ارالاپ، كەز كەلگەن ادامعا قاتىستى مالىمەتتى جينايدى، ونى پلانشەتكە تۇسىرەدى.

ەلىمىزدە قازىرگى تاڭدا  18 ميلليون 393 مىڭنان استام حالىق تۇرادى. مامىر ايىنا دەيىن بۇل دەرەك تاعى دا تولىعا تۇسەدى. ال ءبىزدىڭ ايتپاعىمىز بۇل ەمەس. بۇل ساناقتىڭ ماڭىزى زور. ويتكەنى...

1. بۇل ون جىلدان كەيىن جۇرگىزىلىپ وتىرعان حالىق ساناعى.
2. ۇلتتىڭ دەموگرافيالىق ۇلەسىن كورسەتەتىن باستى كورسەتكىش.
3. بيىلعى حالىق ساناعىنىڭ ساياسي - الەۋمەتتىك، تاريحي ءمانى بار.

سوندىقتان...

بۇل ساناقتا مەملەكەتقۇرۋشى ۇلتتىڭ باسىمدىعى ايقىن كورسەتىلۋى ءتيىس. ويتكەنى وسىدان ون جىل بۇرىنعى ساناقتا رەسپۋبليكا حالقىنىڭ ۇلەس سالماعىندا قازاقتىڭ سانى العاشقىدا 65 پايىز دەپ كورسەتىلدى دە، بۇل دەرەك كەيىننەن  63 پايىز دەلىنىپ كەتتى. مۇنىڭ جالعان نەمەسە شىنايىلىعىن ەشكىم اڭعارا الماي قالدى. كوپشىلىگى بۇعان ءمان بەرگەنىمەن، كەيىن ۇمىتىلىپ كەتتى. سوندىقتان وسى جولى اتالعان كەمشىلىكتەر قايتالانباۋى ءتيىس. ويتكەنى...

قازاقتىڭ سانى بارعان سايىن ارتىپ بارادى.  مۇنى الداعى ۋاقىتتا اشىق كورسەتۋىمىز ءتيىس. ويتكەنى ءبىز كوپۇلتتى مەملەكەتپىز بە؟ الداعى ساناقتان كەيىن مۇنداي تەرميندى قولدانۋدى مۇلدەم قويۋ كەرەك. بارعان سايىن ەلىمىزدە ازايىپ بارا جاتقان باسقا دياسپورالاردىڭ سانى دا ناقتى كورسەتىلۋى كەرەك. وندا دا نەگىزگى دياسپورالاردىڭ دەرەگى شىنايى بولۋى ءتيىس. ورىستار قانشا قالدى، نەمىستەر مەن وزبەكتەر جانە كارىستەردىڭ سانى قانشا؟ مۇنىڭ بارلىعى قاجەت جانە  كەرەك دەرەك دەپ بىلەمىز. ويتكەنى وسىعان بايلانىستى قازاققا قاتىستى بيلىكتىڭ ۇستانعان ساياساتى دا كۇرت وزگەرۋى ءتيىس.  بيىلعى حالىق ساناعى ءبىزدىڭ باستى كورسەتكىشىمىز بولاتىنى انىق. دەمەك، قازاقتىڭ دەموگرافيالىق ۇلەسىنە قاراپ، بيلىكتىڭ دە وزگەرەتىن كەزى كەلدى. حالىق ساناعىنا قاتىستى ءبىزدىڭ ايتپاعىمىز وسى ەدى...