قاراعاندى وبلىسىندا زاڭسىز كيىك اۋلاعان پوليسيا كاپيتانى جاۋاپقا تارتىلدى دەپ جازادى Qamshy.kz اقپارات اگەنتتىگى.  بۇل تۋرالى ق ر اشم ورمان شارۋاشىلىعى جانە جانۋارلار الەمى كوميتەتىنىڭ باسپا ءسوز حاتشىسى ساكەن دىلداحمەت حابارلادى.

2018 جىلدىڭ 25 جەلتوقسانىندا قاراعاندى وبلىسىندا تابيعات قورعاۋشى ينسپەكتورلارى نۇرا اۋدانىنىڭ اۋماعىنا رەيد جۇرگىزگەن. رەيد بارىسىندا «جانبوبەك» اۋىلىنان 30 شاقىرىم جەردە سىنعان «تويوتا لەند كرۋزەر-100» جانە «تويوتا لەند كرۋزەر-80» ماركالى اۆتوكولىكتەر تابىلدى.

«ينپەكتورلار اتالمىش اۆتوكولىكتەردىڭ ىزىمەن جۇرە وتىرىپ، اتىلعان 18 كيىكتىڭ تۇتاس ەتىن انىقتادى. كەيىن وقيعا ورنىنان ءىزىن سۋىتىپ ۇلگەرگەن ادامداردى ىزدەستىرۋ باستالدى. شۇباركول اۋىلدىق وكرۋگىنىڭ ۋچاسكەلىك پوليسياسىنىڭ اقپاراتى بويىنشا ينسپەكتورلار ۇلىتاۋ اۋدانىنىڭ العاباس اۋىلىنان شىقتى. العاباس اۋىلىندا ۇلىتاۋ اۋداندىق ءىىب پوليسياسىنىڭ ۋچاسكەلىك ينسپەكتورى برالينوۆ م.ج-نىڭ سارايىنان اتىلعان 12 كيىكتىڭ تۇتاس ەتى تابىلدى»، - دەدى ساكەن دىلداحمەت فەيسبۋك پاراقشاسىندا. 

ءقازىر اتالمىش دەرەك بويىنشا قىلمىستىق كودەكستىڭ 337-بابى 4-بولىگى بويىنشا قىلمىستىق ءىس قوزعالدى.