"قاراعاندىدا قازاق بار ەكەن عوي!" بۇل ايتقوجا فازىل اعامىزدىڭ ءسوزى. وسى كەزگە دەيىن جەكە باتىر بوپ كەلگەن اعامىز تاڭدانىسى مەن ءسۇيسىنىسىن جاسىرا المادى. ءيا، قاراعاندىدا قازاق بار! وسى كەزگە دەيىن "كارلاگ" دەپ قورلاپ كەلگەن، قورسىنىپ كەلگەن قاراعاندى قازاعى بار ەكەنىن ءبىلدىردى. "قارنىمنىڭ اشقانىنا جىلامايمىن، ءقادىرىمنىڭ قاشقانىنا جىلايمىن"، — دەيتىن قازاق ءقادىرىنىڭ قاشقانىنا كۇيىنىپ، ادىلدىكتى تالاپ ەتۋدە.
احمەت بايتۇرسىن ۇلى: مەملەكەت بولۋ ءۇشىن باي بولۋ كەرەك، باي بولۋ ءۇشىن كاسىپ كەرەك دەيدى. ايتقوجا اعامىز: "بىزدە رۋح بار!"، – دەدى. اقساقال اششى بولسا دا شىندىقتى ايتتى.
سوندا قازاقتىڭ بايلىعى قايدا؟! قازاقتىڭ بايلارى قايدا؟ قازاق نەگە كەدەي؟ ونىڭ سەبەبىن تاعى احمەت بايتۇرسىن ۇلى ايتادى: "ەل باعاتىندار ەل باعۋلارىن جاقسى بىلۋلەرى كەرەك". شىنىن ايتۋ كەرەك، ەل باعاتىندار ەلىن باعا الماي وتىر. ەلىن دۇرىستاپ باقسا، قازاق ءوز جەرىندە ءوزى تومەنشىكتەپ، يتتەن قور بوپ جۇرمەس ەدى عوي. قازاقتا پاتريوت دەگەن ءسوز جوق. قازاقتا ۇلتشىل دەگەن ءسوز بار. ۇلتشىل - ۇلتىن، ەلىن، مەملەكەتىن سۇيەتىن ادام (شىنشىل - شىندىقتى ءسۇيۋشى دەگەندەي). قازاق ۇلتشىلدىعى ويانىپ كەلەدى.
كارلاگتىڭ - ەزىلگەندەر مەن جانىشتالعانداردىڭ، جازىقسىز جاپا شەگىپ، ءومىرى قاپاس پەن قورلاۋدا وتكەن وتانى - قاراعاندىدا ۇرەيدىڭ بۇلتى ىدىرادى. حالىق ازاماتىن ىزدەپ كوشەگە شىقتى. ەل يەسىز ەمەس، جەر كيەسىز ەمەس. ەلدىڭ يەسى دە ، جەردىڭ يەسى دە - قازاق! مۇنى ەل باعاتىندار قاپەرىندە ۇستاۋ كەرەك. بەس كۇندىك جالعان ءۇشىن قازاقتىڭ مۇددەسىن ساتقاندار، - ەندى سەندەردى حالىق كەشىرمەيدى. وسىنى بىلىڭىزدەر. ويتكەنى ەل يەسىز ەمەس، جەر كيەسىز ەمەس! ەلدىڭ نازاسى، جەردىڭ كيەسى ۇرىپ جۇرمەسىن سەندەردى.
ومار جالەل ۇلىنىڭ فەيسبۋك پاراقشاسىنان
پىكىر قالدىرۋ