اعىمداعى جىلدىڭ 5-6 قاڭتارىندا ق ر قارۋلى كۇشتەرىنىڭ ارنايى جاساعى «جۋسان» وپەراسياسىن وتكىزدى. بۇل جايىندا بۇگىن ەلباسى ءوز مالىمدەمەسىندە ايتىپ بەردى.

ارنايى جاساق كۇشتەرى 5-6 قاڭتار كۇنى سيرياداعى 47 وتانداسىمىزدى قۇتقارىپ، ەلگە الىپ كەلدى. ونىڭ 30-ى كىشكەنتاي بالالار. قۇتقارۋ وپەراسياسى قالاي جۇرگىزىلدى؟

اسكەري كۇشتەر 5 قاڭتار كۇنى اقتاۋ حالىقارالىق اۋەجايىنان ۇشىپ شىققان. وزدەرىمەن بىرگە گۋمانيتارلىق كومەك الىپ، كەرەك-جاراق زاتتار مەن تاماق، بالالارعا ارنالعان ويىنشىقتار الىپ باردى.

ەۆاكۋاسيالاۋ ورنىنا 5 قاڭتار كۇنى ساعات 15:45-تە جەتكەن. ايەلدەر مەن بالالاردى ۇشاققا وتىرعىزىپ، ولاردىڭ جايلى ۇشىپ كەلۋىن قامتاماسىز ەتتى. ۆيدەودا كورسەتىلگەندەي، كەيبىر ەر ادامداردى ۇشاققا كوزدەرىن بايلاپ الىپ كەلىپ وتىرعىزعان.

وتانداستارىمىز مىنگەن بورت اقتاۋعا 6 قاڭتار كۇنى تۇنگى 2 شاماسىندا قونعان.

ايتا كەتەيىك، 6 قاڭتار كۇنى گۋمانيتارلىق وپەراسيا ناتيجەسىندە قۇقىق قورعاۋ ورگاندارى مەن ق ر سىرتقى ىستەر مينيسترلىگى بىرلەسە وتىرىپ 47 وتانداسىمىزدى سيريادان ەلگە قايتاردى.