تۇركىستان وبلىسى اباي اۋىلىنداعى جىنىستىق زورلىق-زومبىلىقتىڭ قۇربانى بولعان ءجاسوسپىرىمنىڭ ىسىنە نۇكتە قويىلدى دەپ حابارلايدى Qamshy.kz اقپارات اگەنتتىگى. 

بۇگىن اتالمىش قىلمىسقا قاتىسى بار، 4 كۇدىكتىنىڭ بىرەۋىنە سوت ۇكىم شىعاردى. 16 جاستاعى سوتتالۋشى 7 جىل باس بوستاندىعىنان ايىرىلدى. ول كامەلەت جاسقا تولماعان بالالارعا ارنالعان كولونيادا جازاسىن وتەيتىن بولادى. 16 جاستاعى ءجاسوسپىرىمدى سوت زالىندا قاماۋعا الدى. 

الايدا پروكۋرور 7،6 جىل باس بوستاندىعىنان ايىرۋ جازاسىن سۇراعان.

ەسكە سالايىق، الەۋمەتتىك جەلىدە "تۇركىستان وبلىسىنىڭ سارىاعاش اۋدانىنداعى اباي اۋىلىندا جەتى جاسار بالا زورلاندى" دەگەن اقپارات تاراعان. كەيىن TVK مالىمەتىنشە، تۇركىستان وبلىسى ءىىد-نىڭ  وكىلدەرى بۇل دەرەككە قاتىستى ق ر قىلمىستىق كودەكسىنىڭ 121-بابىنىڭ 4-بولىگى ("سەكسۋالدىق سيپاتتاعى زورلىق-زومبىلىق ارەكەتتەرى") بويىنشا قىلمىستىق ءىس قوزعالعانىن حابارلاعان. الايدا كۇدىكتىلەر نەمەسە ۇستالىپ، قامالعاندار جايلى ەشقانداي مالىمەت تۇسپەدى. ارتىنشا ءبىلىم جانە عىلىم ۆيسە-مينيسترى بيبىگۇل اسىلوۆا ساراپتاما قورىتىندىسى وقۋشى بالانىڭ زورلانعانىن راستاعانىن حابارلادى. اتالمىش ىسكە بايلانىستى تەرگەۋ جۇمىستارى مەن سوت تالقىسى شامامەن 1 جىلعا سوزىلدى.