راحىمبەردييەۆ ۇرىس الاڭدارىندا ەشقانداي ادىلدىك جوق ەكەنىن، ول جاقتا مۇسىلمان مۇسىلماننىڭ قانىن توگىپ جاتقانىن ايتتى. سيريادا بىرنەشە قازاقستاندىق ءولىم جازاسىنا كەسىلگەن. بۇل تۋرالى ۇلتتىق قاۋىپسىزدىك كوميتەتىنىڭ دەپارتامەنت باسشىسى باقىتبەك راحىمبەردييەۆ سىرتقى ىستەر مينيسترلىگىندە وتكەن باسپا ءسوز كونفەرەنسياسىندا مالىمدەدى، دەپ حابارلادى Qamshy.kz اقپارات اگەنتتىگى Sputnik قازاقستان سايتىنىڭ دەرەگىن نەگىزگە الىپ.
ونىڭ ايتۋىنشا، شەتەلدىك الداپ-ارباۋشىلار ءبىزدىڭ ازاماتتارىمىزدى ينتەرنەت ارقىلى تارتا باستاعان.
"بۇل ناسيحات الەۋمەتتىك جەلىلەردە جۇرگىزىلدى. ولار ونداعى جۇماق ءومىر جايلى باياندايدى. ادامداردى وندا ءبارى ادىلەتتى، بارلىق ءدىني قاعيدالار ساقتالادى دەپ قىزىقتىرعان "، — دەدى راحىمبەردييەۆ.
ول ءقازىر ۇرىس الاڭدارىندا – سيريا، يراك جانە اۋعانستاندا 380-گە تارتا قازاقستاندىق بار ەكەنىن اتاپ ءوتتى.
"كوبىسى – ايەلدەر، ولارمەن بىرگە 400-500 بالا تۇرىپ جاتىر. ولار وندا جاعداي مۇلدە ولاي ەمەس ەكەنىنە كوز جەتكىزدى، ەشقانداي ادىلدىك جوق. ول جاقتا مۇسىلمان مۇسىلمانمەن، ءبىر توپ ەكىنشىسىمەن سوعىسىپ جاتىر"، — دەپ تولىقتىردى باقىتبەك راحىمبەردييەۆ.
دەپارتامەنت باسشىسىنىڭ ايتۋىنشا، ول جاققا ءبىر بارعان سوڭ، قايتا شىعۋعا مۇمكىندىك جوق.
"ونداي قادامعا بارعانى ءۇشىن اجال قۇشۋى دا مۇمكىن. ءبىزدىڭ بىرنەشە ازاماتىمىز قاشقانى ءۇشىن ءولىم جازاسىنا كەسىلدى دەگەن مالىمەت بار"، — دەپ تۇيىندەدى راحىمبەردييەۆ.
پىكىر قالدىرۋ