قازاقستان حالقىنىڭ سانى 2018 جىلدىڭ 1 جەلتوقسانىنا باستاپ 1،21 پايىزعا ءوسىپ، 18 376 000 ادامدى قۇرادى. بۇل جايىندا Qamshy.kz اقپارات اگەنتتىگى ستاتيستيكا كوميتەتىنىڭ مالىمەتىنە سۇيەنە وتىرىپ حابارلايدى.

ادەتتەگىدەي، حالىق سانى شىمكەنت (6،19%)، استانا (3،84%)، الماتى (2،76%)، ماڭعىستاۋ (2،49%) جانە اتىراۋ (1،97%) قالالارىندا وسكەن.

دەگەنمەن، ەلدىڭ بەس اۋماعىندا حالىق سانىنىڭ ازايۋ پروسەسى دە بايقالادى: سولتۇستىك قازاقستان وبلىسى (-0،64%)، شىعىس-قازاقستان وبلىسى (-0،34%)، قوستاناي وبلىسى (-0،28%)، قاراعاندى جانە پاۆلودار وبلىسى (-0،12%). سونىمەن قاتار، تۇركىستان وبلىسى شىمكەنتتەن ءبولىنىپ شىققاننان كەيىن حالىق سانى ءسال تومەندەگەن، ال 1 جەلتوقساننان باستاپ قايتادان دەموگرافيانىڭ ءوسىمى بايقالادى.

ناقتى ايتساق، رەسپۋبليكانىڭ ءتورت وڭىرىندە عانا كوشى-قون پروسەسى وڭ ناتيجە كورسەتكەن: شىمكەنت، الماتى، استانا جانە ماڭعىستاۋ وبلىستارى. ال باسقا اۋماقتا بۇل كەرىسىنشە ايتارلىقتاي جاقسى ناتيجە بەرمەدى.

2018 جىلدىڭ 1 جەلتوقسانىندا شىمكەنت قالاسىن تۇرعىندارىنىڭ سانى 1 011 مىڭعا جەتسە، الماتى قالاسىندا 1 852 مىڭ كورسەتكىشكە جەتتى، ال استانادا - 1 070 مىڭ حالىق تۇرادى.