الماتى وبلىسىندا وتكەن جىلدىڭ مامىر ايىندا زورلانعان بويجەتكەن سۇمدىق جايتتى ايتىپ بەردى. ونىڭ وقيعاسىنا قاتىستى قىلمىستىق ءىس قوزعالعاننان كەيىن زورلاۋ فاكتىسىن انىقتاۋ ءۇشىن پروسەدۋرا جاسالعان. سول كەزدە جابىرلەنۋشىنى گينەكولوگيالىق قۇرالمەن تەكسەرمەك بولعان دارىگەر ونىڭ ايەلدىك ورگاندارىن زاقىمداعان دەپ حابارلايدى Qamshy.kz اقپارات اگەنتتىگى 31 ارنانىڭ دەرەگىن نەگىزگە الىپ.
بويجەتكەننىڭ سوزىنشە، وتكەن جىلدىڭ مامىر ايىندا ۇيىنە وتباسىنىڭ تانىسى بولعان ەر ادام قوناققا كەلگەن. بۇل كەزدە اتا-اناسى ۇيدە بولماپتى. ەشكىمنىڭ جوعىن پايدالانعان ەر ادام قىزدى زورلاعان. ارتىنشا بويجەتكەن تەلەفون ارقىلى اكەسىنە حابارلاسىپ ۇلگەرگەن. مۇنان كەيىن كۇدىكتى قولعا ءتۇستى. الايدا قىلمىستىق ءىس بۇرمالانىپ، كۇدىكتى ءالى كۇنگە دەيىن قامالماعان. ول ازداي، جابىرلەنۋشىنىڭ ايتۋىنشا، قىز زورلاۋ دەرەگىن انىقتاۋ كەزىندە دارىگەر ونىڭ جىنىس ورگاندارىنا زاقىم كەلتىرگەن.
«ۋچاسكەلىك ينسپەكتور ماعان قاراپ تۇردى. مەن ۇيالاتىنىمدى ايتىپ، ونىڭ شىعىپ كەتۋىن سۇرادىم. سول كەزدە دارىگەر ايقايلاي باستادى. «شىقپايدى ول، كورسىن»، – دەدى. سول پروسەدۋرادان كەيىن دەنساۋلىعىما زاقىم كەلدى. وسى كۇنگە دەيىن اۋىرىپ ءجۇردىم. تەمىر ۇزىن قايشىمەن جاتىرىمنىڭ ارعى جاعىنا دەيىن ءۇش رەت قاتتى تىعىپ جىبەردى. سودان 5 كۇن بويى قان توقتامادى»، – دەيدى جابىرلەنۋشى.
تاياۋدا ىلە اۋداندىق ىشكى ىستەر ءبولىمى جابىرلەنۋشىدەن دارىگەردىڭ ارەكەتىنىڭ سالدارىنان العان جاراقاتىنا قاتىستى جاۋاپ الىپتى. وندا دا «نە مولچي. كز» توبى بۇل ماسەلەنى الەۋمەتتىك جەلىدە كوتەرگەننەن كەيىن عانا پوليسيا قوزعالا باستاپتى،- دەيدى قوعامدىق قوزعالىس جەتەكشىسى.
«قىلمىستىق ىستەن گينەكولوگتىڭ جابىرلەنۋشىنى قاراعانى تۋرالى قۇجات جوعالىپ كەتتى. ول دارىگەر: «پسيحيكالىق اۋرۋحانادا ەسەپتە تۇرمايسىڭ با؟ نەگە لاسسىڭ؟ جۋىنا المايسىڭ با؟» – دەپ سۇراعان. زورلانعان، قورلىق كورگەن قىزعا وسىلاي دورەكىلىك تانىتقان. ساۋلە گينەكولوگتىڭ مەديسينالىق قۇرالدارمەن دەنەسىن ودان ءارى زاقىمداعانىن ايتتى. سودان كەيىن 5 كۇن بويى قان كەتىپ اۋىرعان»، – دەيدى «نە مولچي.كز» قوعامدىق قوزعالىسىنىڭ جەتەكشىسى دينا ءتاڭسارى.
الماتى وبلىستىق پوليسيا دەپارتامەنتىندەگىلەر وقيعاعا قاتىستى جابىلعان ءىستىڭ قايتا اشىلعانىن ايتتى. ەندىگى بۇل ءىس الماتى وبلىستىق ىشكى ىستەر دەپارتامەنتىنىڭ تىكەلەي باقىلاۋىنا الىنادى.
«تەرگەۋ جۇمىستارى جالعاسىپ جاتىر. سەبەبى الماتى وبلىستىق پد-نىڭ پروكۋراتۋراعا جولداعان ءوتىنىشى نەگىزىندە ءىستى قىسقارتۋ تۋرالى قاۋلىنىڭ كۇشى جويىلدى. ءىس بويىنشا تەرگەۋدىڭ جان-جاقتىلىعىن، تولىقتىعىن، وبەكتيۆتىلىگىن قامتاماسىز ەتۋ ماقساتىندا سوتقا دەيىنگى تەرگەۋ امالدارىن وبلىستىق تەرگەۋ باسقارماسى ءوز وندىرىسىنە الدى»، – دەيدى الماتى وبلىستىق پد باسپا ءسوز حاتشىسى سەرىك ۇپييەۆ.
پىكىر قالدىرۋ