شەتەلدەگى قانداستارىمىز قازاقستاندىق اقپاراتپەن قامتاماسىز ەتىلەتىن بولدى دەپ جازادى Qamshy.kz اقپارات اگەنتتىگى. بۇل تۋرالى داۋرەن ابايەۆ ءوزىنىڭ فەيسبۋك پاراقشاسى ارقىلى حابارلادى. 

"دۇنيەجۇزى قازاقتارىنىڭ V قۇرىلتايى اياسىندا، ءبىزدىڭ مينيسترلىككە ناقتى تاپسىرما بەرگەن ەلباسى: «شەتتەگى قانداستاردىڭ قازاقستاننان جان-جاقتى حابار الىپ تۇرۋىنا كومەكتەسۋ كەرەك»، - دەگەن بولاتىن. ياعني شەتەلدەگى اعايىندى وتاندىق اقپاراتپەن قامتاماسىز ەتۋ مىندەتى العا قويىلدى. 
جاقىندا عانا «حابار 24» پەن «Kazak tv» ارنالارى رەسەيدە حابار تاراتۋ ليسەنزياسىنا قول جەتكىزدى. كورشى ەلدىڭ تەلەنارىعىنا رەسمي تىركەلۋ ءۇشىن قاجەتتى تەحنيكالىق جانە قۇجاتتىق تالاپتاردىڭ قىرۋار شارۋاسى اتقارىلدى. بىرنەشە ايعا سوزىلعان، كوپتەگەن كەلىسسوزدەردىڭ ناتەجيەسىندە ءبىز رەسەي فەدەراسياسىنىڭ كابەلدىك وپەراتورىمەن ءبىر مامىلەگە كەلدىك. «حابار» اگەنتتىگىنىڭ ۇجىمىنا، وسىنداي اۋقىمدى ءىستى جۇزەگە اسىرعاندارى ءۇشىن العىس ايتقىم كەلەدى. 
شەكارالاس ايماقتاردى مەكەندەيتىن قانداستارىمىز، ءبىراز ۋاقىتتان بەرى ءبىزدىڭ مينيسترلىككە حات جولداپ، ەل جاڭالىقتارىن كورگىلەرى كەلەتىنىن جەتكىزىپ ەدى. الىستاعى اعايىننىڭ ءوتىنىشى دە ورىندالىپ وتىر.
تاعى ءبىر ايتا كەتەرلىك جاڭالىق. ءقازىر «حابار» اگەنتتىگى تۇسىرگەن «انا جۇرەگى» اتتى تەلەحيكايا وزبەكستاننىڭ بەلگىلى ارنالارىنىڭ بىرىندە كورسەتىلىپ جاتىر. وزبەك تەلەكومپانياسىنىڭ وكىلدەرى سەريالدىڭ جەرگىلىكتى كورەرمەن تاراپىنان جوعارى سۇرانىسقا يە بولىپ وتىرعانىن ايتادى.  وسى باعىتتاعى جۇمىستار ءالى دە جالعاسا بەرەدى"،— دەيدى داۋرەن ابايەۆ.