ياكۋتسكىدە كوپپاتەرلى ءۇي ورتەنىپ، قۇتقارۋشىلار 50 تۇرعىندى ەۆاكۋاسيالادى، دەپ جازادى Qamshy.kz اقپارات اگەنتتىگى تاسس اگەنتتىگىنە سىلتەمە جاساپ.
سەمەن دانيلوۆ كوشەسىندە ورنالاسقان كوپپاتەرلى ۇيدەگى ءورت 600 شارشىمەتردى قامتىعان. ءورت تۋرالى حابارلاما جەرگىلىكتى ۋاقىتپەن تاڭعى ساعات 8:00 شاماسىندا كەلىپ تۇسكەن.
وقيعا ورنىنا دەرەۋ جەتكەن قۇتقارۋشىلار ۇيدەن 50 ادامدى ەۆاكۋاسيالادى، ءورتتىڭ سالدارىنان ءبىر ادام قازا تاپقان.
ءورتتى ءسوندىرۋ جۇمىستارىنا 60 ادام مەن 12 تەحنيكا قولدانىلعان.
ۆيدەوداعى كادردان كوپپاتەرلى ءۇيدىڭ تۇگى قالماي جانىپ كەتكەنىن كورۋگە بولادى.
پىكىر قالدىرۋ