بۇگىن قازاقتىڭ ءبىرتۋار ازاماتى، اسا كورنەكتى مەملەكەت جانە قوعام قايراتكەرى دىنمۇحامەد قونايەۆتىڭ تۋعان كۇنى.

ول 1912 جىلى 12 قاڭتاردا ۆەرنىي (قازىرگى الماتى) قالاسىندا، قىزمەتكەردىڭ وتباسىندا ومىرگە كەلگەن.

اكەسى مەڭلىاحمەت جۇماباي ۇلى 1886 جىلى تۋعان. الماتى وبلىسىندا اۋىلشارۋاشىلىق، ساۋدا مەكەمەلەرىندە جۇمىسكەر بولىپ ىستەگەن. قازاق، ورىس تىلدەرىندە جازىپ، وقي بىلەتىن ساۋاتتى بولعان. اناسى، زاۋرە باير قىزى 1888 جىلى شەلەك (بۇرىنعى اتاۋى چيليك) اۋدانىندا (قازىرگى الماتى وبلىسى) تۋعان. ول ءۇي شارۋاسىندا بالا تاربيەسىمەن اينالىسقان. 

بۇگىنگى تۋعان كۇنىنە وراي Qamshy.kz اقپارات اگەنتتىگى دىنمۇحامەد قونايەۆتىڭ ناقىل سوزدەرىن وقىرمان نازارىنا ۇسىنادى. 

1. ادام ايناسى - ادام.

2. تاۋەلسىزدىكتىڭ جۇگى اۋىر.

3. ادامعا جازانىڭ ەڭ ۇلكەنى - جۇمىسسىز قالدىرۋ.

4. اقيقاتتان اتاپ كەتۋ — ارعا سىن.

5. ءومىردىڭ ەكى تىرەگى: ۇيرەنۋدەن جالىقپاۋ، ۇيرەتۋدەن ايانباۋ.

6. ساتىعا اياق سالماي جاتىپ، باسپالداقتان اتتاما.

7. قانمەن سىڭگەندى قاسيەتتەمەسەڭ، ءقادىرىڭ بولمايدى.

8. بۇگىنگى كۇن - كەشەگى كۇننىڭ شاكىرتى.

9. ادامدىق قالىپتى بيىك ۇستاۋ – كىمگە دە بولسا ۇلكەن سىن.

10. سەنىم — قۇدىرەتتى كۇش: تاۋدى دا قوزعايدى.

11. ورىستى رەنجiتسەڭ، ماسكەۋگە شابادى، قازاقتى رەنجiتسەڭ، قايدا شابادى؟ ءوزiڭنiڭ الدىڭا اينالىپ كەلەدi، اسانباي. ورىستىڭ ارتىندا تۇرعان ماسكەۋi بار. قازاقتىڭ ارتىندا ماسكەۋi جوق، قازاقتىڭ ماسكەۋi - بiزدەرمiز اسانباي، قولىڭنان كەلگەنشە قازاقتى جىلاتپاۋعا تىرىس، قورلىققا بەرمە. قورلىققا كونگەن حالىق زورلىققا دا كونەتiن يiسالماس، ىنجىق بولىپ كەتەدi. ۇلت ءوزiنiڭ مۇددەسiن ءوزi قورعاي الاتىن دارەجەگە جەتۋi كەرەك. كەزiندە قازاقتىڭ جانىن ساقتاپ قالساق ەكەن دەدiك قوي...، بiز ول ءداۋiردەن ءوتتiك. ەندi قازاقتىڭ رۋحىن، نامىسىن ساقتاۋىمىز كەرەك.
(قونايەۆتىڭ اسانباي اسقاروۆقا ايتقانى)

12. دۇنيە تۇسكە دەيىن كيىز، تۇستەن كەيىن ءمۇيىز بولىپ كەتۋى اپ-ساتتە

13. پانام دا - ەل، دانام دا - ەل. سوعان ارقا سۇيەدىم، سودان ۇيرەندىم.

14. ءومىر دەگەن وسى، بۇگىن بار، ەرتەڭ جوقسىڭ. سەن كەتتى ەكەن دەپ ومىر-وزەن اعىسىن وزگەرتپەيدى.

15. جالادا شىندىق بولمايدى.