اقش پرەزيدەنتى دونالد ترامپ تۇركيا كۇردتەرگە تيىسەتىن بولسا، ول ەلدىڭ ەكونوميكاسىن كۇيرەتەتىنىن ايتىپ ەسكەرتتى. سونىمەن قاتار، كۇردتەر دە تۇركيانىڭ جىنىنا تيمەسە ەكەن دەيدى. بۇل جايىندا Qamshy.kz اقپارات اگەنتتىگى 5-tv.ru سايتىنا سىلتەمە جاساپ حابارلايدى.

اقش پرەزيدەنتى ءوزىنىڭ Twitter الەۋمەتتىك جەلىسىندەگى پاراقشاسىندا بىلاي دەپ جازادى: «سيريادان اقش اسكەرلەرىن شىعارۋ جۇمىستارىن باستاپ كەتتىك. ارا-تۇرا ءار جەردەگى دايش سودىرلارىنا قارسى سوققى دا جاساۋدامىز. ەگەر ولار الداعى ۋاقىتتا تاعى دا باس كوتەرەتىن بولسا، جاقىن جەردەگى اسكەري بازا ارقىلى ولارعا تويتارىس بەرەمىز. ەگەر تۇركيا كۇردتەرگە تيىسەتىن بولسا، ونىڭ ەكونوميكاسىن كۇيرەتەمىز».

دونالد ترامپ، سونىمەن قاتار، كۇردتەر دە تۇركيانى اشۋلاندىرماۋى كەرەك ەكەنىن ايتادى جانە وسى ماسەلەگە قاتىستى 30 شاقىرىمدىق قاۋىپسىزدىك ايماعىن قۇرۋدى جوسپارلاپ وتىر.

سەناتور ليندسي گرەمانىڭ ايتۋىنشا، ترامپ تۇركيا مەن كۇردتتەردىڭ قارۋلى كۇشتەرى سوقتىعىسىپ قالماس ءۇشىن سيريادان اسكەرلەرىن شىعارۋ جۇمىستارىن كەشەۋىلدەتكەن بولاتىن.

سيريادان اقش اسكەرلەرىن شىعاراتىنىن دونالد ترامپ وتكەن جىلدىڭ 19 جەلتوقسانىندا مالىمدەگەن.