ق ر ۇلتتىق قاۋىپسىزدىك كوميتەتى قازاقستاندا تەراكت جاساماقشى بولعان كۇدىكتىلەردى قولعا ءتۇسىردى. بۇل جايىندا Qamshy.kz اقپارات اگەنتتىگى كوميتەتتىڭ باسپا ءسوز قىزمەتىنە سىلتەمە جاساپ حابارلايدى.
ق ر ۇقك 10 قاڭتار كۇنى وتكىزىلگەن ارنايى وپەراسيانىڭ ۆيدەوسىن جاريالادى.
«قازاقستاندا تەراكت جاساۋعا دايىندالىپ جۇرگەن ۇستالدى، ولار ورتا ازيا ەلدەرىنىڭ ازاماتتارى ەكەن. ولاردىڭ ۋاقىتشا تۇرعان جەرلەرىن ءتىنتۋ بارىسىندا جارىلىس جاساۋعا ارنالعان زاتتار، ءتۇرلى قارۋ-جاراق پەن وق-دارىلەر تابىلدى»، - دەلىنگەن حابارلامادا.
تەرگەۋ ءىسى ناتيجەسىندە قولعا تۇسكەن كۇدىكتىلەر دايش سودىرلارىنىڭ تاپسىرماسىن ورىنداپ جۇرگەندەرى بەلگىلى بولدى. ولار جارىلىستى الماتى قالاسىندا ادام كوپ جينالاتىن جەردە ۇيىمداستىرماق بولعان ەكەن. تەرگەۋ ءىسى ءالى دە جالعاسۋدا.
پىكىر قالدىرۋ