قاراعاندى وبلىسى ساتپايەۆ قالاشىعىندا ەكى قاباتتى ۇيدەن ءورت شىعىپ، سونىڭ سالدارىنان 4 جاستاعى ءبۇلدىرشىن قازا تاپتى. ال ونىڭ اناسى اۋىر جاعدايدا اۋرۋحاناعا جەتكىزىلگەن، دەپ جازادى Qamshy.kz اقپارات اگەنتتىگى Sputniknews.kz سايتىنىڭ دەرەگىنە سۇيەنە وتىرىپ.

«ءورت شىققانى تۋرالى اقپارات سەيسەنبى كۇنى ساعات 05:22-دە كەلىپ ءتۇستى. وقيعا ورنىنا دەرەۋ جەتكەن ءورت سوندىرۋشىلەر ونى 06:12-دە اۋىزدىقتاعان. ورتەنگەن ۇيدەن 2015 جىلعى ءبۇلدىرشىننىڭ دەنەسى تابىلدى. سونداي-اق، كۇيىك جاراقاتى مەن ءتۇتىننىڭ يىسىنەن ۋلانعان 1988 جىلعى ايەل اۋرۋحاناعا جەتكىزىلدى»، - دەپ مالىمدەدى قازاقستان ءىىم تجك باسپا ءسوز قىزمەتى.

ءورتتىڭ نەدەن پايدا بولعانى ءالى زەرتتەلۋدە. ونى ءسوندىرۋ ءۇشىن 22 ءورت ارنايى جاساق پەن 6 ءورت سوندىرگىش تەحنيكالار پايدالانىلدى.

دايىنداعان: نازەركە لابيحان