المالى اۋداندىق پروكۋراتۋراسى الماتىدا وتكەن جىلدىڭ 29 جەلتوقسانىندا بولعان جانتۇرشىگەرلىك جول اپاتىنا كىنالى دەپ تانىلعان كار يلياستىڭ ءىسىن سوتقا جىبەردى. بۇل جايىندا اۋداندىق پروكۋراتۋرا سايتىندا ءمالىم بولدى، دەپ جازادى Qamshy.kz اقپارات اگەنتتىگى.
«ول جول ەرەجەسىن بۇزىپ، بايقاۋسىزدا بولعان جول اپاتىنىڭ سالدارىنان ءۇش ادام قازا تاپقان، سونداي-اق وقيعا ورنىنا دەرەۋ ءىزىن سۋىتقانى ءۇشىن ايىپتى دەپ تانىلدى»، - دەلىنگەن حابارلامادا.
ەستەرىڭىزگە سالا كەتەيىك، 29 جەلتوقسان كۇنى اباي جانە سەيفۋللين كوشەلەرىنىڭ قيىلىسىندا ءۇش ادامنىڭ ءومىرىن جالماعان جانتۇرشىگەرلىك جول اپاتى ورىن العان بولاتىن. اپاتتىڭ سالدارىنان اكتريسا ايزادا ساتىبالدييەۆا اۋىر كۇيدە اۋرۋحاناعا جەتكىزىلدى. Gelendwagen جۇرگىزۋشىسى 120كم/ساع جىلدامدىقپەن ءجۇرىپ كەلىپ Mitsubishi ماركالى جەڭىل كولىكتى سوققان. وقيعا ورنىنا دەرەۋ ءىزىن سۋىتقان دۇنگەن ازاماتى كەلەسى كۇنى قولعا تۇسكەن بولاتىن. تەرگەۋ جۇمىستارى ناتيجەسىندە، ونىڭ Grand opera كلۋبىنان شىعىپ، ماس كۇيىندە كولىك جۇرگىزگەنى بەلگىلى بولدى.
ۇسىنعان: نازەركە لابيحان
