قازاقستان ارمياسى عالامنىڭ ەڭ مىقتى اسكەري قارۋلى كۇشتەرىنىڭ قاتارىندا 136 ەلدىڭ ىشىندە سيريادان كەيىن 50-ورىندا تۇر، دەپ جازادى Qamshy.kz اقپارات اگەنتتىگى. اتالمىش ءتىزىمنىڭ دەرەگى globalfirepower.com سايتىندا جاريالانعان.

الەمدىك رەيتينگتە 50-ورىنعا تابان تىرەگەن وتاندىق اسكەردىڭ قۋاتى ءبىرشاما ەلدەردەن تومەن تۇرسا دا، بۇل دەرەك سوڭعى جىلدارى قازاقستان قارۋلى كۇشتەرىنىڭ تۇراقتى دامىپ كەلە جاتقاندىعىن كورسەتەدى. كەيىنگى جىلدارى 5 ورىنعا  جوعارى كوتەرىلىپ، العاشقى ەلۋلىككە كىرگەن.

الداعى ۋاقىتتا قازاقستاننىڭ قورعانىس سالاسىنا بولىنەتىن قارجى كولەمىن ۇلعايتپاق نيەتتە.

ناقتى ايتار بولساق، قازاقستاننىڭ ەكونوميكالىق الەۋەتى اسكەري شىعىندارعا ايتارلىقتاي قارجى بولۋگە مۇمكىندىك بەرەدى: قارۋ-جاراقپەن جابدىقتاۋ جانە اسكەرلەردىڭ كۇشىن نىعايتۋ، اسكەري تەحنيكالاردى جاڭارتۋ، ورتا مەرزىمدى ۋاقىتتا قارۋلى كۇشتەردى دامىتۋ.

اتاپ وتەتىن ءبىر جايت، بۇل رەتتە، رەسپۋبليكا پوستكەڭەستىك داۋىردەن كەيىنگى وتپەلى كەزەڭنەن ءساتتى ءوتىپ، سوڭعى ءتورت جىل ىشىندە قورعانىس سالاسىنا بولىنەتىن قارجى كولەمىن ۇلعايتقان.

قازاقستاننىڭ بۇگىنگى قارۋلى كۇشتەرىنىڭ بيۋدجەتى 2،43 ميلليارد دوللاردى قۇرايدى جانە الەمدىك رەيتينگتە كورشىلەس ءازىربايجان (53-ورىندا)، اۋعانستان (71 ورىندا) اسكەرىنەن جوعارى تۇر، سونداي-اق، بيۋدجەت كولەمى دە بۇل ەلدەردەن بەس ەسە ارتىق.

ۇسىنعان: نازەركە لابيحان