قاراعاندى وبلىسىنىڭ نۇرا اۋدانىنىڭ اكىمى بولىپ ەسەت بايكەن تاعايىندالدى. وبلىس اكىمى ەرلان قوشانوۆ اۋدان اكتيۆىنە جاڭا اكىمدى تانىستىردى، دەپ حابارلايدى Qamshy.kz اقپارات اگەنتتىگى اكىمدىكتىڭ باسپا ءسوز قىزمەتىنە سىلتەمە جاساپ.

ەسەت بەرىك ۇلى 1986 جىلى قاراعاندى وبلىسىنىڭ نۇرا اۋدانىنىڭ بارشىن اۋىلىندا دۇنيەگە كەلگەن.

2008 جىلى قازاق گۋمانيتارلىق زاڭ ۋنيۆەرسيتەتىن ءتامامداعان. 2010 جىلى – ە.ا. بوكەتوۆ اتىنداعى قاراعاندى مەملەكەتتىك ۋنيۆەرسيتەتىن اياقتاعان. ەكونوميكا باكالاۆرى، قۇقىقتانۋ باكالاۆرى..
ەڭبەك جولىن 2008 جىلى استانا قالاسىنىڭ ەكونوميكا جانە بيۋدجەتتىك جوسپارلاۋ باسقارماسىندا جەتەكشى، سونان سوڭ باس مامان رەتىندە باستاعان.

2010 جىلدان بەرى – «استانا قالاسى اكىمدىگى اپپاراتى» مم الەۋمەتتىك-مادەني سالا ءبولىمىنىڭ باس مامانى.

2013 جىلى استانا قالاسى اكىمىنىڭ باس ينسپەكتورى، «استانا قالاسى اكىمدىگى اپپاراتى» مم ۇيىمداستىرۋ-ينسپەكتورلىق ءبولىمىنىڭ جەتەكشىسى بولىپ تاعايىندالدى.

2016 جىلى ق ر پرەزيدەنت اكىمشىلىگى جەتەكشىسىنىڭ سەكرەتاريات ساراپشىسى بولدى.

2017 جىلدان باستاپ نۇرا اۋدانى اكىمى لاۋازىمىنا تاعايىندالعانشا ق ر پرەزيدەنتى اپپاراتىنىڭ مەملەكەتتىك باقىلاۋ جانە ۇيىمداستىرۋ-اۋماقتىق جۇمىس ءبولىمىنىڭ مەملەكەتتىك ينسپەكتورى قىزمەتىن اتقارعان. 

ۇسىنعان: نازەركە لابيحان