اۋەسقوي بوكستان الەم جانە ازيا چەمپيونى جانىبەك ءالىمحان ۇلى كاسىپقوي رينگتەگى بەسىنشى جەكپە-جەگىندە امەريكالىق ستيۆەن مارتينەستى بەسىنشى راۋندتا ەسەڭگىرەتىپ تاستادى. بۇل ءبىر ناعىز ايىزدى قاندىرعان ايقاس بولدى. تاجىريبەلى مارتينەس قازاق بوكسشىسىنىڭ سان ايلالى، تەگەۋرىندى قيمىلىنا توتەپ بەرە العان جوق.
تاعى ءبىر قۋانىشتى جاعداي: جانىبەك شارشى الاڭعا «قازاق ءستيلى» دەگەن فۋتبولكامەن شىقتى. قولعابىندا دا قازاق مەملەكەتىنىڭ تەرريتورياسى بەينەلەنگەن. بوكسشىنىڭ باپكەرلەرى مەن مەنەدجەرى بەرىك سۇلتاننىڭ رينگكە «Janibek» دەگەن جازۋى بار كيىممەن شىققانى دا كوڭىلدى توعايتىپ تاستادى. بەرىك پەن جانىبەك بۇگىن ميلليونداعان جانكۇيەرلەرگە تاماشا جەڭىس سىيلاپ قانا قويعان جوق، قازاق ەلىنىڭ جاراسىمدى ءارى ۇتىمدى جارناماسىن جالپاق دۇنيەگە جاريا قىلدى.
ال جانىبەك وزىنەن الدەقايدا تاجىريبەلى مارتينەسكە قارسى ناعىز قازاق ستيلىندەگى بوكس كورسەتتى.
جەڭىس قۇتتى بولسىن، اعايىن!
پىكىر قالدىرۋ