ق ر پرەزيدەنتى نۇرسۇلتان نازاربايەۆ براكونەرلەردىڭ قولىنان قازا تاپقان ەرلان نۇرعالييەۆتى ءىىى دارەجەلى «بارىس» وردەنىمەن ماراپاتتادى دەپ جازادى Qamshy.kz اقپارات اگەنتتىگى اقوردانىڭ رەسمي سايتىنىڭ دەرەگىن نەگىزگە الىپ.
قازاقستان رەسپۋبليكاسىنىڭ مەملەكەتتىك ناگرادالارىمەن ناگرادتاۋ تۋرالى
قاۋلى ەتەمىن:
1. قىزمەتتىك بورىشىن اتقارۋ ۇستىندە كورسەتكەن ەرجۇرەكتىگى مەن جانقيارلىعى ءۇشىن ناگرادتالسىن:
ءىىى دارەجەلى «بارىس» وردەنىمەن
نيسىك پەتر الەكسەيەۆيچ - اۋىل شارۋاشىلىعى مينيسترلىگى ورمان شارۋاشىلىعى جانە جانۋارلار دۇنيەسى كوميتەتىنىڭ «وحوتزووپروم» ءوب» رمقك ورتالىق وڭىرلىك فيليالىنىڭ ينسپەكتورى.
♦ەرلان نۇرعالييەۆتى ءولتىردى دەگەن كۇدىكتىلەر ۇستالدى
نۇرعالييەۆ ەرلان بالعابەك ۇلى (مارقۇم) - اۋىل شارۋاشىلىعى مينيسترلىگى ورمان شارۋاشىلىعى جانە جانۋارلار دۇنيەسى كوميتەتىنىڭ «وحوتزووپروم» ءوب» رمقك ورتالىق وڭىرلىك فيليالىنىڭ ينسپەكتورى.
2. وسى جارلىق قول قويىلعان كۇنىنەن باستاپ قولدانىسقا ەنگىزىلەدى.
ءماجىلىس دەپۋتاتتارى، قوعام بەلسەندىلەرى «وحوتزووپروم» ينسپەكتورى ەرلان نۇرعالييەۆكە «حالىق قاھارمانى» اتاعىن بەرۋدى ۇسىنعان بولاتىن.
♦"ەرلان نۇرعالييەۆتى قايتىس بولعان سوڭ تانىپ جاتىرمىز، سەبەبى ول..."دەپۋتات جامبىل احمەتوۆ مەملەكەتتىك قىزمەت سالاسىندا ءجۇرىپ، سوڭىنا دەيىن كۇرەسىپ، قازا تاپقان قورىقشىنى ماراپاتقا ۇسىنۋدى سۇراعان.
«كەيبىر ەرىكتىلەر ونىڭ ەسىمىن ۇلىقتاۋ ماقساتىندا قولىندا ەلىكتىڭ لاعىن ۇستاپ تۇرعان سۋرەتىنىڭ نەگىزىندە ەسكەرتكىش ورناتپاقشى. مۇنىڭ بارلىعى حالىقتىڭ ءوز باتىرىن قالاي قۇرمەتتەيتىنىن كورسەتەدى. سونىمەن قاتار، براكونەرلەرمەن كۇرەس جولىندا ەرلىك تانىتقان ەرلاننىڭ ارىپتەسى – پەتر نيسىك تە ماراپاتقا لايىق دەپ سانايمىز»، - دەدى دەپۋتات جامبىل احمەتبەكوۆ.
ۇسىنعان: اسەل بولات قىزى
پىكىر قالدىرۋ