بۇكىل جۇرتشىلىقتى ەسەڭگىرەتكەن جانتۇرشىگەرلىك وقيعادا قازا تاپقان بەس بالانىڭ ۇلكەنى البينانىڭ حاتى Facebook جەلىسىندە جاريالاندى، دەپ جازادى Qamshy.kz اقپارات اگەنتتىگى.
اياز اتاعا جازعان حاتىندا البينا وزدەرىنىڭ پانا ەتىپ جۇرگەن ۇيلەرىن دە بەينەلەپتى. ال ءوزىنىڭ حاتىندا "مەن جاڭا جىلدا وزىمە جاڭا پلانشەت العىم كەلەدى. مەن وتە ءتارتىپتى قىز بولدىم، اتا-انامنىڭ ءتىلىن الىپ ءجۇردىم. مەن ءسىزدىڭ بار ەكەنىڭىزگە سەنەمىن..."
12 جاستاعى مەكتەپ وقۋشىسىنىڭ حاتىن ءوزىنىڭ پاراقشاسىندا جاريالاعان ارتۋر ماعزوموۆ ەسىمدى جەلى قولدانۋشىسى بىلاي دەيدى:
"وتكەن تۇندە ورتتەن كوز جۇمعان 5 بالاپاننىڭ ۇلكەنى البينانىڭ اياز اتاعا جازعان حاتى. مەكتەپتەن الدىق. تاپ-تار جەردى پانا قىلعان بالالاردىڭ وتقا ورانعان كەرەۋەتتەرى عانا قالىپتى... ءبىر سۋرەتىندە ءوزىنىڭ ءۇيىن سالىپتى البينا، ورتەنگەن ءۇيدىڭ دە سيقى وسىنداي، شاتىرى جوق".
ۇسىنعان: نازەركە لابيحان
پىكىر قالدىرۋ