اعىمداعى جىلدىڭ 4 اقپانىندا ورىن العان قازالى وقيعا - 5 بالانىڭ ءومىرىن جالماعان اپات بۇكىل جۇرتشىلىقتىڭ قابىرعاسىن قايىستىرىپ، توبەسىنەن جاي تۇسكەندەي كۇيگە دۋشار ەتتى. بۇگىن استانا قالاسىندا جانتۇرشىگەرلىك جاعدايدا قازا تاپقان 5 بالانى جۇرتشىلىق جاماعات بولىپ جەرلەگەن بولاتىن. كوز جاسىن تىيا الماعان حالىق "بۇنداي قايعى بولاشاقتا قايتالانباسا ەكەن، جاۋاپتى قۇزىرلى ورگاندار ادام ومىرىنە بەيجاي قاراماي، ەڭ ءبىرىنشى، ادام كاپيتالىنا باسا نازار اۋدارسا ەكەن" دەيدى. وسى سىندى پىكىرلەردى الەۋمەتتىك جەلى قولدانۋشىلارى جاپپاي ايتىپ، اشىنعان جۇرت ق ر ەڭبەك جانە حالىقتى الەۋمەتتىك قورعاۋ ءمينيسترى مادينا ءابىلقاسىموۆانىڭ وتستاۆكاعا كەتۋىن تالاپ ەتۋدە. 

جەرلەۋ ءراسىمى كەزىندە تۇسىرىلگەن مىنا ۆيدەودا 5 ءبۇلدىرشىندى اقتىق ساپارعا شىعارىپ سالۋعا كەلگەندەردىڭ ءبىرى "جەتىسپەۋشىلىكتىڭ سوڭى ورنى تولماس قازاعا ۇشىراتتى..." - دەيدى. 

سونداي-اق، اۋىر قازاعا دۋشار بولعان وتباسىنىڭ كورشىسى ولاردىڭ ءبىراز ۋاقىتتان بەرى اكىمدىكتىڭ تابالدىرىعىن توزدىرىپ، پاتەر سۇراپ جۇرگەندىگىن ايتتى.

"ەگەر بيلىك بۇل وتباسىنىڭ وتىنىشىنە ەرتەرەك ءمان بەرىپ، جاعداي جاساعاندا، مۇنداي قايعى بولماس ەدى. ءقازىر مەن بەس بالانىڭ اتا-اناسىنىڭ قاسىنا بارا الماي دا وتىرمىن، ولارعا نە ايتىپ، قالاي جۇباتارىمدى بىلمەيمىن..." - دەيدى كورشىسى.

ۇسىنعان: نازەركە لابيحان