ق ر اقپارات جانە كوممۋنيكاسيالار ءمينيسترى داۋرەن ابايەۆ 4 اقپان كۇنى ورىن العان قازالى وقيعاعا بايلانىستى پىكىر ءبىلدىرىپ، حالىقتىڭ مينيستر ءابىلقاسىموۆانىڭ «وتستاۆكاعا كەتۋى» تۋرالى تالابىنا جاۋاپ بەردى، دەپ جازادى Qamshy.kz اقپارات اگەنتتىگى.
«بۇل – ورنى تولماس قازا. بەس بالاسىنان بىردەي ايىرىلعان اتا-انانىڭ قازىرگى جاعدايىن، ءتىپتى، ەلەستەتۋ مۇمكىن ەمەس. بۇكىل ەل بىرنەشە كۇننەن بەرى قايعىرىپ وتىر»، - دەيدى مينيستر ابايەۆ.
ءوز سوزىندە اقپارات ءمينيسترى داۋرەن ابايەۆ الەۋمەتتىك جەلىدە كەڭىنەن تارالعان مينيستر ءابىلقاسىموۆاعا قاتىستى داۋلى پىكىرلەرگە كەلىسپەيتىنىن ايتتى.
«بارلىق كىنانى ق ر ەڭبەك جانە حالىقتى الەۋمەتتىك قورعاۋ ءمينيسترى مادينا ءابىلقاسىموۆاعا ارتا سالۋ – ادىلەتسىزدىك.
ءيا، ەشكىم دە جاۋاپكەرشىلىكتەن قاشپاۋى كەرەك. شىندىعىن ايتساق، بۇل ەلدە قانداي جاعداي بولماسىن، ولارعا بارلىق مەملەكەتتىك اپپارات جاۋاپتىمىز. دەگەنمەن، استانادا بولعان جانتۇرشىگەرلىك وقيعانىڭ ءبىرشاما فاكتورلارى بار ەكەنىن ۇمىتپاۋىمىز كەرەك جانە بارلىق ماسەلە ءابىلقاسىموۆانىڭ جۇمىسىنا قاتىستى ەمەس.
مەن مادينا ەراسىلقىزىن بىلەمىن، ول دا ايەل، ول دا ءۇش بالانىڭ اناسى، سوندىقتان بۇل وقيعا ونىڭ دا جۇرەگىن اۋىرتقانى ءسوزسىز. سوندىقتان، مەن تەك سىندارلى سىن عانا قالىپ، ونى قۋدالاۋ توقتاتىلادى دەپ سەنەمىن. سونداي-اق، مينيستر ءابىلقاسىموۆانى وزىنە سەنىپ تاپسىرىلعان جۇمىستارعا بەي-جاي قارامايتىن ءوز ءىسىنىڭ مامانى دەپ بىلەمىن»، - دەپ ايتىپ ءوتتى داۋرەن ابايەۆ.
ۇسىنعان: نازەركە لابيحان
پىكىر قالدىرۋ