لوندونداعى حايگەيت ءقابىرستانىنداعى  قابا ساقال كوممۋنيست كارل ماركستىڭ مولاسىنا  قويىلعان قۇلپىتاسىن  بەلگىسىز بىرەۋلەر بالعامەن اياۋسىز شاعىپ كەتكەن. «Friends of Highgate Cemetery»  قورىنىڭ ديرەكتورى يەن دانگۆەلل  «Guardian» گازەتىنە بەرگەن سۇحباتىندا  مارستىڭ ءقابىرىن قورلاۋدى «ساياسي كوزقاراستى تۇسىنىكسىز تۇردە بىلدىرۋگە» بالاپتى.

 كارل ماركستىڭ قابىرىندەگى ەسكەرتكىشى 1956 جىلى ارنايى تۇردە اشىلعان. «ءبىز مۇنى كارل ماركسقا  قارسى ادەيى ۇيىمداستىرىلعان اكسيا دەپ ويلايمىز. بۇل كەكزدەيسوقتىق ەمەس. سۋرەتتەن كورىپ تۇرعاندارىڭىزداي، شابۋىلداۋشىلار  بار كۇشتەرىمەن كارل ماركستىڭ ەسىمىن وشىرۋگە تىرىسقان» دەيدى دانگۆەلل.

 لوندون پوليسياسى سۇراۋ سالۋ مەن تەكسەرىستەن سوڭ تەرگەۋدى جاڭا اقپارات شىققانعا دەيىن توقتاتا تۇرۋدى ءجون كورىپتى.

ماركس حايگەيت ءقابىرستانىنا 1881 جىلى جەرلەنگەن، ال ەسكەرتكىشى 1956 جىلى ارنايى تۇردە اشىلعان.  

 1970 جىلى باسبۇزارلار ماركستىڭ ەسكەرتكىشىن قولدان جاسالعان بومبا ارقىلى جويىپ جىبەرۋگە تالپىنىس جاساعان. بۇل جەردە كارل ماركسپەن بىرگە ونىڭ ايەلى جەنني ماركس جانە وتباسى مۇشەلەرى جەرلەنگەن.

ايتپاقشى، «دراكۋلا قانىنىڭ ءدامى» اتتى قورقىنىشتى فيلمدەر وسى ماركس جەرلەنگەن «حايگەيت» ءقابىرستانىندا تۇسىرىلگەن. بۇل ءقابىرستاندى ۆامپيرلەر مەكەندەيدى دەگەن قورقىنىشتى اڭگىمە دە الەمگە تاراعان.