شيگەو كاتسۋ سەسنابانك ديرەكتورلار كەڭەسىنىڭ باسشىسى بولىپ تاعايىندالدى دەپ حابارلايدى Qamshy.kz اقپارات اگەنتتىگى. 

سونداي-اق سەسنابانكتىڭ باسقارما ءتوراعاسى بولىپ بەكجان پيرماتوۆ تاعايىندالعان. ول First Heartland Bank - ءتى باسقارادى. 

2010 جىلدىڭ جەلتوقسانىندا شيگەو كاتسۋ نازاربايەۆ اتىنداعى ۋنيۆەرسيتەتتىن پرەزيدەنتى اتاندى.  بۇل قىزمەتكە دەيىن ول دۇنيەجۇزىلىك بانكتە جۇمىس ىستەپ، ازيا، افريكا جانە ەۋروپاداعى قارجىلىق سەكتوردى رەفورمالاۋعا جەتەكشىلىك ەتكەن. 

ايتا كەتسەك، 6 اقپاندا سەسنابانكتىڭ بۇرىنعى باسشىسى ادىلبەك جاقسىبەكوۆ 99،5 پايىزدىق اكسياسىن ساتقان بولاتىن. اتالمىش اكسيانى First Heartland Bank ساتىپ الدى. 

«First Heartland Securities» اق – «نازاربايەۆ ۋنيۆەرسيتەتى»، «نازاربايەۆ زياتكەرلىك مەكتەپتەرى» جانە «نازاربايەۆ قورى» دەربەس ءبىلىم بەرۋ ۇيىمدارىنىڭ ينۆەستيسيالىق حولدينگىنىڭ قۇرامىنا كىرەتىن قازاقستاندىق بروكەرلىك كومپانيا.

اۋدارعان: اسەل بولات قىزى