استانا قالاسىندا 4 اقپان كۇنى بولعان جانتۇرشىگەرلىك وقيعانىڭ سەبەبى انىقتالدى. توتەنشە جاعدايلار كوميتەتى ءورتتىڭ نەدەن شىققانىن ايتتى، دەپ جازادى Qamshy.kz اقپارات اگەنتتىگى.

«ءتۇتىن شىعاتىن مۇرجادا اقاۋ بولىپ، ءورت قاۋىپسىزدىگى دۇرىس ساقتالماعاندىقتان سول ءتۇنى ءۇي ورتەنىپ كەتكەن. ءتۇتىن شىعاتىن جولدىڭ جوعارى بولىگى دۇرىس ىستەمەگەندىكتەن وسىنداي اۋىر وقيعا ورىن العان. بۇل پەشتىڭ جۇمىسىنا كەرى اسەر ەتىپ، ءورتتىڭ شىعۋىنا تۇرتكى بولدى. ءتۇتىننىڭ شىعۋ جولى دۇرىس جاسالماعاندىقتان ارتى وسىنداي قايعىلى جاعدايعا الىپ كەلدى. ءۇيدىڭ توبەسى ورتەنىپ، ورتاسىنا قۇلاپ تۇسكەن»، - دەيدى تجك قىزمەتكەرى جاسۇلان اقتايەۆ.

ەسكەرتە كەتەيىك، بەس پەرىشتەنىڭ ولىمىنە سەبەپكەر بولعان بۇل وقيعا حالىقتىڭ اراسىندا زور قوعامدىق پىكىر تۋعىزىپ، ءقازىر جەر-جەردە كوپبالالى انالارمەن اتقارۋشى بيلىك وكىلدەرى كەزدەسۋ وتكىزىپ جاتىر. 

ۇسىنعان: نازەركە لابيحان