شىمكەنتتەگى جەكە تۇرعىن ۇيدە بولعان جارىلىستىڭ سەبەبى بەلگىلى بولدى دەپ جازادى Qamshy.kz اقپارات اگەنتتىگى. بۇل تۋرالى قازاقستاننىڭ ىشكى ىستەر مينيسترلىگىنىڭ باسپا ءسوز حاتشىسى الماس سادۋبايەۆ حابارلادى. 

ايتا كەتسەك، كەشە ساعات 11:00-دە زابادام شاعىن اۋدانىنداعى جەكە تۇرعىن ۇيلەردىڭ بىرىندە ارتيللەريالىق سنارياد جارىلدى. جارىلىستان 2 ادام زارداپ شەگىپ، دارىگەرلەر 1984 جىلعى ەر ادامنىڭ سول قولى مەن اياعىن كەسۋگە ءماجبۇر بولدى. ونىڭ قازىرگى جاعدايى اۋىر. ال 1998 جىلعى زارداپ شەگۋشىنىڭ سول اياعى سىنعان. 

الماس سادۋبايەۆتىڭ ايتۋىنشا، زارداپ شەگۋشىلەردىڭ ءبىرى سناريادتاردى بولشەكتەپ، تەمىر رەتىندە وتكىزبەك بولعان. 

جەدەل ىزدەستىرۋ توبى وقيعا ورنىنان تاعى دا بىرنەشە ءوق-دارى تاپقان. وقيعاعا بايلانىستى قىلمىستىق كودەكستىڭ 287-بابىمەن ءىس قوزعالدى. سوتالدى تەرگەپ-تەكسەرۋ جۇمىستارى باستالدى.

تۇرعىنداردىڭ ايتۋىنشا، جارىلىس بولعان ۇيدە جاس وتباسى ءۇش بالاسىمەن بىرگە تۇرادى. تاڭەرتەڭ ايەلى جۇمىسقا، ەكى بالا بالاباقشاعا، بىرەۋى مەكتەپتە كەتكەن.

ۇسىنعان: اسەل بولات قىزى