الماتىدا ءىلياس كاردىڭ سوتى باستالدى، - دەپ حابارلايدى Qamshy.kz اقپارات اگەنتتىگى تengrinews.kz سايتىنا سىلتەمە جاساپ.

سوتتالۋشى ءىلياس كار جول ءجۇرىسى ەرەجەسىن بۇزدى، ابايسىزدا ءۇش ادامنىڭ قازا بولۋىنا سەبەپشى بولدى جانە اپات ورنىنان كەتىپ قالدى دەپ ايىپتالىپ جاتىر. (ق ر قىلمىستىق كودەكسىنىڭ 345-بابىنىڭ 4-بولىگى جانە 347-بابى).

ەسكە سالايىق، جانتۇرشىگەرلىك جول-كولىك وقيعاسى وتكەن جىلدىڭ 29 جەلتوقسانىندا بولعان ەدى. الماتىداعى سەيفۋللين مەن اباي داڭعىلدارىنىڭ قيىلىسىندا Mercedes Gelandewagen ءاۆتوموبيلى Mitsubishi Galant كولىگىن سوققان. سوققىنىڭ سالدارىنان جەڭىل كولىك جولدىڭ قارسى بەتىنە شىعىپ كەتىپ، بورديۋرگە تىرەلگەن. كەيىنىرەك وقيعانىڭ ۆيدەوسى جاريالاندى.

جول اپاتى سالدارىنان Mitsubishi Galant جۇرگىزۋشىسى مەن ەكى جولاۋشىسى قازا تاپتى. قايتىس بولعانداردىڭ ءبىرى - اكتريسا شولپان ەلگەزەكوۆا. تاعى ءبىر اكتريسا ايزادا ساتىبالدييەۆا اۋىر حالدە جانساقتاۋ بولىمىنە تۇسكەن. 3 اقپاندا ول اۋرۋحانادان شىقتى.

ۋاقىت وتە مارقۇمداردىڭ ءبىرىنىڭ تۋىسى ايدانا شاياحمەتوۆا ساراپتاما قورىتىندىسى بويىنشا Gelandewagen جۇرگىزۋشىسى يلياس كاردىڭ ىشىمدىك ىشكەنى راستالماي وتىرعانىن مالىمدەگەن. سونداي-اق، قۇجاتتارعا سايكەس، ول پوليسياعا ءوزى كەلگەن دەلىنگەن.

الايدا پوليسيا بۇل مالىمەتتەردى جوققا شىعاردى - تەرگەۋ مالىمەتىنشە، جول اپاتى بولعان جەردەن يلياس كار ماس كۇيدە جاياۋ كەتكەن. ول ءبىر تاۋلىكتەن كەيىن ۇستالعان.

ۇسىنعان: نازەركە لابيحان