«شانشار» ءازىل-ىسقاق تەاترىنداعى ءبىر ءازىل ەسىمە ورالدى. جۋرناليست ءبىر باعدارلاماعا قوعامدىق بەلسەندىنى شاقىرادى، ول حابارلاسقان كورەرمەندەردىڭ سۇراعىنا جاۋاپ بەرۋى ءتيىس ەدى. سوندا الگى قوعامدىق بەلسەندى «قالامىزدى سۋ شايىپ كەتتى، نە ىستەيمىز؟» دەگەن كورەرمەننىڭ سۇراعىنا: «مەن نە ىستەي الامىن؟ اياعىما بوتي كيىپ الىپ بارايىن ەندى، سەندەر جاققا؟! قىزىقسىڭدار ي؟» دەپ اشۋلانىپ شىعا كەلەدى. ال تاعى ءبىر كورەرمەن حابارلاسىپ «دەنساۋلىق ءۇشىن 100 گرامم ىشسە بولا ما، بولماي ما؟» دەگەن سۇراعىنا بەلسەندى ەرەكشە ريزا بولىپ، «سۇراقتىڭ كوكەسى سونداي بولۋ كەرەك» دەگەنگە كەلتىرەدى. بۇل ءازىلى ارقىلى تەاتر «ەل ءۇشىن قىزمەت ەتىپ جۇرگەندەردىڭ سيقى وسىنداي» دەگەندى كورسەتپەك بولعانى انىق قوي. ءيا، تەاتردىڭ ءازىلى شىنايى ومىرگە ەنە باستادى. مۇنى ءبىزدىڭ شەنەۋنىكتەرىمىز دالەلدەپ بەرىپ جاتىر.  

قوستاناي وبلىسى اكىمىنىڭ ورىنباسارى "وسىردى" (ۆيدەو)

كەشە ءبىر اكىم حالىق الدىندا سويلەپ تۇرىپ، «وسىرىپ» ەدى. بۇگىن تاعى ءبىر شەنەۋنىك تىلدەن ءسۇرىندى. ول نە دەيدى دەيسىزدەر مە؟ وزىنەن سۇحبات الىپ تۇرعان جۋرناليستكە «جىنىمدى كەلتىرمەڭىزشى، بلين» دەپ بوسە سالدى. ال ءبۇيتىپ ايتقان كىم دەسەڭىزدەر، قازاقستان رەسپۋبليكاسى ۇلتتىق ەكونوميكا ۆيسە-مينيسترى – سەرىك جۇمانعارين. مينيسترلىك وكىلىنە ءجۋرناليستىڭ تاريف بويىنشا قويعان ساۋالى ۇناماي قالعان بولۋى كەرەك، قاباعىن شىتىپ الدى دا «جىنىمدى كەلتىرمەڭىزشى، بلين» دەدى.

ۆيدەونى نۇرجان سوپبەكوۆ ءوزىنىڭ YouTube  ارناسىنا جۇكتەدى. ۆيدەوعا نازار اۋدارساق، سەرىك جۇمانعارينگە جۋرناليستەردىڭ ەشبىر سۇراعى ۇناماعان سەكىلدى. ءتىپتى «مەنىڭ الدىما رەسمي تۇردە كەلىڭدەر، سەندەرگە ءبارىن ايتىپ بەرەمىن!» دەگەن شەنەۋنىكتىڭ قاباعى ءبىر اشىلماي قويدى. الايدا جۋرناليستەر ونى ەركىنە جىبەرە مە، سۇراقتى جاۋدىرتا بەردى، جاۋدىرتا بەردى. ءتۇبى وسىلاي بولدى.

سەرىك جۇمانعازين 2017 جىلدان بەرى ۇلتتىق ەكونوميكا ۆيسە-مينيسترى بولىپ قىزمەت اتقارادى. 

بۇل تاعايىنداۋعا دەيىن سەرىك جۇمانعارين ەكى جىلدان استام ق ر ۇەم تابيعي مونوپوليالاردى رەتتەۋ جانە باسەكەلەستىكتى قورعاۋ جونىندەگى كوميتەتتى باسقاردى. 

جۇمانعارين ءار جىلداردا ەكونوميكالىق دامۋ جانە ساۋدا مينيسترلىگى وڭىرلىك ساياسات جانە بيۋدجەتارالىق قاتىناستار دەپارتامەنتى ديرەكتورى بولىپ جۇمىس ىستەدى، وڭىرلىك دامۋ كوميتەتى ءتوراعاسى لاۋازىمىن اتقاردى، رەسپۋبليكانىڭ وڭىرلىك دامۋ ءمينيسترىنىڭ ورىنباسارى بولدى.

ءتۇرلى مينيسترلىكتەردە باسشىلىق قىزمەتتەن تۇسپەي كەلگەن شەنەۋنىكتىڭ ءالى كۇنگە دەيىن مادەنيەتتىلىكتى ۇيرەنە الماي كەلە جاتقانى وكىنىشتى.