ەڭبەك جانە حالىقتى الەۋمەتتىك قورعاۋ جونىندەگى بۇرىنعى ۆيسە-مينيستر نۇرجان التايەۆ دەپۋتات بولىپ سايلاندى. ول قوعامدا قىزۋ تالقىلانىپ جاتقان كوپ بالالى انالاردىڭ ماسەلەسىنە قاتىستى پىكىر ءبىلدىرىپ، ب ا ق وكىلدەرىنىڭ سۇراعىنا جاۋاپ بەردى دەپ جازادى Qamshy.kz اقپارات اگەنتتىگى. 

جۋرناليستەر ەكس-ۆيسە-مينيستردەن نەلىكتەن وسىنداي قيىن ساتتە ورنىنان كەتكەنىن سۇرادى. ال التايەۆ بولسا، مۇنىڭ جاي عانا سايكەستىك ەكەنىن، بۇرىننان دەپۋتاتتاردىڭ قاتارىنا قوسىلۋدى ويلاپ جۇرگەنىن ايتتى. 

-العاش رەت 2004 جىلى ءماجىلىس دەپۋتتاتتىعىنا ۇمىتكەر بولدىم. سول جىلدارى ەلىمىزدەگى ەڭ جاس كانديتات مەن ەدىم. وكىنىشكە قاراي، وتپەي قالدىم. ال ەكىنشى رەت 2016 جىلى قاتىستىم. سول كەزدە "نۇر وتان" پارتياسىنان دەپۋتاتتىققا كانديداتتار تىزىمىنە كىرىپ، رەزەرۆتە تۇردىم"، - دەيدى التايەۆ. 

سونداي-اق التايەۆ ءبىر بالاعا 20 مىڭ تەڭگەنى جەتكىزۋگە بولادى دەپ ويلايدى. 

"ەگەر ۇنەمدەسە، ايىنا ءبىر بالاعا 20 مىڭ تەڭگە جەتكىزۋگە بولادى دەپ ويلايمىن. مەنىڭشە، بۇل مۇمكىن"، -دەيدى التايەۆ. 

جاڭا سايلانعان دەپۋتات جالعا العان 2 بولمەلى پاتەردە تۇراتىنىن، قانشا ايلىق الاتىنىنان ازىرگە بەيحابار ەكەنىن ايتتى. 

ۇسىنعان: اسەل بولات قىزى