ق ر پرەزيدەنتى نۇرسۇلتان نازاربايەۆ «100 جاڭا ەسىم» جوباسىنىڭ ەكىنشى كەزەڭىنە وتكەن ازاماتتارمەن كەزدەستى. ولاردىڭ ىشىندە 29 جاستاعى ەرجان سالىمگەرەيەۆ تە بار، دەپ xابارلايدى Qamshy.kz اقپارات اگەنتتىگى قازاقپاراتتىڭ دەرەگىن نەگىزگە الىپ. 

«ءۇشىنشى سىنىپتا وقىپ جۇرگەندە ترانسفورماتوردىڭ ىشىنە كىرىپ، توققا ءتۇسىپ قالدىم. سول كەزدە ءبىر قول جانە ءبىر اياعىمنان ايىرىلدىم. اۋرۋxانادان ۇيگە الىپ كەلگەسىن مۇعالىمدەر ۇيدە وقىتاتىن بولدى. ارتىنان دوپتى ۇيرەندىم. اۋادا ۇشىپ بارا جاتقان دوپتى تاياقپەن تىرەي قويامىن. باسقا جىگىتتەردى الداپ كەتەمىن. ولار نامىستانىپ، مەنىڭ تاياعىمدى ءبىر تەۋىپ، سىندىرىپ تاستايدى. سونىڭ ءبارى اۋىر ءتيدى ماعان. مەكتەپتى بىتىرگەننەن كەيىن بالالار ارسىندا «مەن الماتىعا بارامىن، مەن استاناعا وقۋعا تۇسەمىن» دەگەن اڭگىمەلەر جۇرەدى. «مەن قايدا بارامىن؟» دەگەن وي تۋىندادى. ۇيدەگى جاعدايدى بىلەمىن. سوندا تاڭقالاتىنىم، ءبىر باسسەيننىڭ قاسىندا ەكى جىل بويى تاكسي جۇرگىزدىم. ءبىراق ءومىرى سونىڭ ىشىنە كىرمەپپىن. ارتىنان ءجۇزۋدى ۇيرەندىم»، - دەدى ە.سالىمگەرەيەۆ.

بۇگىندە ەرجان xالىقارالىق دارەجەدەگى سپورت شەبەرى، الەم كۋبوگىنىڭ ءتورت دۇركىن يەگەرى، ازيا ويىندارىنىڭ ەكى مارتە جەڭىمپازى.

«سپورت مەنىڭ ءومىرىمدى تۇبەگەيلى وزگەرتتى. قايسار مىنەزىمنىڭ ارقاسىندا ەشقانداي قيىنشىلىقتارعا قاراماي، الدىما ماقسات قويىپ، كۇندە جاتتىقتىم. بۇگىندە ۇلكەن جەتىستىكتەرگە جەتىپ وتىرمىن. يندونەزيا ەلى جاكارتا قالاسىنا وتكەن جازعى پاراازيا ويىندارىندا قوس التىن مەدال ەنشىلەدىم. 50 مەتردى 31 سەكۋندتا باعىندىرسام، 100 مەتردى 1 مينۋت 8 سەكۋندتا باعىندىردىم. بۇل — مەنىڭ جەكە رەكوردىم. ەندىگى ماقساتىم — توكيو وليمپياداسىندا چەمپيون اتانۋ»، - دەپ اتاپ كورسەتتى ە.سالىمگەرەيەۆ. 

ۇسىنعان: اسەل بولات قىزى