استانا قالاسىندا ەلباسى نۇرسۇلتان نازاربايەۆتىڭ «قازاقستاننىڭ 100 جاڭا ەسىمى» جوباسىنىڭ ەكىنشى كەزەڭى جەڭىمپازدارىمەن كەزدەسۋى باستالدى. شارا «قازمەديا» ورتالىعىندا ءوتىپ جاتىر، دەپ حابارلايدى  Qamshy.kz اقپارات اگەنتتىگى قازاقپاراتتىڭ دەرەگىن نەگىزگە الىپ.

ەستەرىڭىزگە سالا كەتسەك، «قازاقستاننىڭ 100 جاڭا ەسىمى» جوباسىنا ۇمىتكەرلەردەن ءوتىنىم قابىلداۋ وتكەن جىلدىڭ قىركۇيەگىندە باستالدى. جوبا كاسىبي سالادا جەتىستىككە جەتكەن، دارا جولدارى وزگەگە ۇلگى بولاتىن ادامدارعا ارنالعان. وسىمەن ەكىنشى جىل ۇيىمداستىرىلىپ وتىرعان جوبانىڭ  ەرەكشەلىگى - ۇمىتكەر ءوزىن ۇسىنۋعا جانە ۇمىتكەردى ۇيىم اتىنان ۇسىنۋعا مۇمكىنشىلىك بەرىلدى.  وتىنىمدەر 2018 جىلدىڭ قازان ايىنىڭ ورتاسىنا دەيىن 100esim.el.kz سايتى ارقىلى قابىلداندى، ودان ءارى قاراشا ايى بويى ونلاين داۋىس بەرۋ جالعاستى. جالپى، ەكى جىلدىڭ ىشىندە جوباعا قاتىسۋعا 4 مىڭعا جۋىق ءوتىنىم ءتۇستى. داۋىس بەرگەندەردىڭ سانى 100 مىڭنان اسىپ جىعىلدى.

ايتا كەتەرلىگى، جوبانىڭ ءبىرىنشى كەزەڭىندە 2 مىڭنان اسا ءوتىنىم قابىلداندى. ونىڭ 302ء-ى ىرىكتەۋدەن ءوتىپ، 102  ۇمىتكەر «قازاقستاننىڭ 100 جاڭا ەسىمى» جوباسىنىڭ جەڭىمپازى اتاندى. 2017 جىلدىڭ 1 جەلتوقسانىندا ولارمەن پرەزيدەنت نۇرسۇلتان نازاربايەۆ كەزدەسىپ، قاتىسۋشىلاردىڭ جەتكەن جەتىستىكتەرىمەن تانىستى.

«قازاقستاننىڭ 100 جاڭا ەسىمى» جوباسىنىڭ ماقساتى - تاۋەلسىزدىك جىلدارىندا زاماناۋي قازاقستاننىڭ دامۋىنا قوماقتى ۇلەس قوسقان ادامداردىڭ ناقتى مىسالىندا قوعامدا تابىستىلىق يدەيالارىن، مەريتوكراتيا، باسەكەلەستىك پرينسيپتەرىن، ءبىلىم جانە پراگماتيزم كۋلتىن ناسيحاتتاۋ جانە دامىتۋ.

ۇسىنعان: اسەل بولات قىزى