اتاقتى پسيحولوگ، بيزنەس-ترەنەر الەمدى اۋزىنا قاراتقان دجون كەحونىڭ موتيۆاسياعا تولى كىتاپتارى ميليونداعان تيراجبەن تاراتىلدى. 1934 جىلى تورونتو قالاسىندا تۋعان اتاقتى ترەنەر زەرتتەۋ جۇمىستارىن باستاۋ ءۇشىن 1975 جىلى ەلدەن تاسادا، ورمانداعى ۇيدە ءوز جۇمىستارىن باستايدى. بۇل كەزدە ول قىرىق ءبىر جاستا ەدى. ارادا ءۇش جىل وتىسىمەن، قالاعا قايتىپ كەلىپ، 1978 جىلى العاشقى ترەنينگتەرىن باستاپ، ادامداردىڭ ءومىرىن وزگەرتۋگە اتسالىسا باستايدى.  

     تانىمال ترەنەر الدىمەن ميمەن جۇمىس ىستەي ءبىلۋدىڭ ماڭىزىن اتاپ وتەدى. بۇگىندە بەستسەللەرگە اينالعان كىتاپتارىنىڭ ءبىرى «پودسوزنانيە موجەت ۆسە» كىتابىن كەز-كەلگەن ءومىرىن وزگەرتكىسى كەلگەن ادام ءسۇيىپ وقيدى. بۇل كىتاپتى قازاقشاعا  مىرزاگەلدى كەمەل «تۇيسىگىڭمەن ويلاي ءبىل» دەپ اۋدارعان.  اۆتور بۇل كىتاپتا الدىمەن مي قىزمەتى جانە ونى باسقارۋدىڭ جولدارى تۋرالى ايتادى. «وز-وزىڭە دەگەن سەنىمدىلىك جانە نەگاتيۆكە جول بەرمەۋ، جولىڭدى اشادى» دەيدى. اقشا مەن بايلىق، ءوز كۇشىڭدى  دۇرىس جۇمساي  ءبىلۋ، بويداعى ەنەرگيانى باسقارۋ جايلى جازىپ وتكەن. سونىمەن قاتار، كورەرمەن كوزايىمى مەن كوزقۋانىشىنا اينالعان «دەنگي، ۋسپەح ي ۆى»، «پراكتيچەسكيي كۋرس ي سچاستيا»، «كۆانتوۆىي ۆوين ي سوزنانيە بۋدۋششەگو» كىتاپتارىن الەمنىڭ بۇرىشىنان تابۋعا بولادى.

      الدىمەن ادام ويىن وزگەرتىپ، اففيرماسيالار (موتيۆاسياعا تولى جاقسى سوزدەر-رەد.) ايتۋ قاجەت. بۇل موتيۆاتوردىڭ ترەنينگىن باستاي سالا ايتاتىن كەڭەستەرىنىڭ ءبىرى. قارجىلاي تاۋەلسىزدىككە قول  جەتكىزگىسى كەلگەن ادام ساناسىنا تابىسكەردىڭ ويلاۋ جۇيەسىن ەنگىزۋى كەرەك. ساناسىن قورقىنىشقا ەمەس، سەنىمگە تولتىرا ءبىلۋ كەرەكتىگى تۋرالى دا باسا ايتادى. دجون كەحو ارنايى شاقىرتۋمەن  استانا مەن الماتى قالالارىنا دا كەلىپ كەتكەن. 2018 جىلى الماتىدا وتكىزىلگەن سەمينار باعالارى ستاندارت 45 مىڭ، بيزنەس 100 مىڭ، ارى قاراي ۆيپ ورىندار 180 مىڭ تەڭگەدەن  ساتىلعان. ەڭ جوعارعى ۆيپ بيلەتتەردى الا وتىرا، سپيكەرمەن بىرگە تۇسكى اس ءىشىپ، فوتوعا ءتۇسۋ باقىتىنا يە بولاسىز.

 ءبىر ءدارىسىنىڭ ءوزى از اقشا تۇرمايتىن بيزنەس-ترەنەر الەمدە ساناسىن وزگەرتىپ، ميليونداعان قاراجات تاباتىن بيزنەسمەندەر مەن مىڭداعان ادامنىڭ رۋحاني ۇستازى، موتيۆاتور-جەتەكشىسى. ونىڭ ساباعىنا كەلۋشىلەردىڭ سانى كۇننەن كۇنگە ارتىپ كەلەدى.

  بۇگىندە سەكسەن بەس جاسقا تولعان دجون كەحو جۇبايىمەن عانا تۇرادى. ولاردىڭ بالالارى جوق. ادامدارعا جول سىلتەپ، ءومىرىن وزگەرۋگە سەپتىگىن تيگىزۋدى باستى ماقسات ەتكەن. ەلۋ ءتورت جىلدان بەرى بىرنەشە ەڭبەك جازىپ، الەمگە تانىلعان پسيحولوگ-لەكتور كانادانىڭ باتىسىندا ورنالاسقان ۆانكۋۆەر قالاسىندا تۇرادى. تەرەزەسى بيىك تاۋ مەن مۇحيتقا قاراي ورنالاسقان جۇمىس بولمەسىندە شابىتتانا وتىرىپ تىڭ تۋىندىسىن جازادى.