قادىر عينايات ۇلى مىرزالييەۆ، قادىر مىرزا ءالي  (1935 2011) — اقىن، قازاقستاننىڭ حالىق جازۋشىسى، مەملەكەتتىك سىيلىعىنىڭ يەگەرى.

Qamshy.kz اقپارات اگەنتتىگى كوزىقاراقتى وقىرماندارىنا اقىننىڭ  دانالىق سوزدەرىن ۇسىنادى.

وتە كوپ وقىعاننىڭ پايداسىن، وتە كوپ وقىعاننان كەيىن بارىپ تۇسىنەسىڭ.

***

وزىنە بىردە رازى، بىردە نارازى ادام – ۇنەمى تاۋ ۇستىندەگى ادام.

***

قيا الماي كەتكەن، ۇيالماي تابىسادى.

***

جان تىنىشتىعىن ويلاعاننان-اق مازاڭ كەتەدى.

***

ادەمىلىكتىڭ سىرتىندا، ادەتتە اقىماقتىق جاتادى. ول كوبىنە-كوپ قارتايا كەلە بايقالادى.

***

ءبىرىنشى بولۋ وڭاي، بىرەۋلەر ءتىپتى جالعىز بولعىسى كەلەدى.

***

دايىن تۇرعان كوز جاسى – سەزىمنىڭ قوجاسى.

***

كىمگە قاراپ تۇرعانىن قىليدىڭ ءوزى عانا بىلەدى.

***

ءبىز ءبارىمىز ءومىر ءسۇرىپ ءجۇرمىز دەپ ويلايمىز. شىن مانىندە ولاي ەمەس. ءبىز ءومىر سۇرگەنسىپ ءجۇرمىز. دالىرەك ايتساق، ءبىز بىر-بىرىمىزگە ءومىر سۇرگىزبەي ءجۇرمىز.

***

ەڭ بولماعاندا ءبىر ادامدى باقىتتى ەتپەگەن ادامنىڭ باقىتتى بولۋعا حاقى جوق.

***

جۇرەكتى جاۋلاپ الۋ ونشا قيىن ەمەس، ءبىراق ونى ۇستاپ تۇرۋ قولدان كەلە بەرمەيدى.

(جالعاسى بار)

ۇسىنعان: ماقپال سەمباي