ق ر ىشكى ىستەر ءمينيسترى ەرلان تۇرعىمبايەۆ الداعى ۋاقىتتا جۋرناليستەردەن قاشپاي، ولارمەن دوستىق قارىم-قاتىناستا بولاتىنىن ايتتى، دەپ جازادى Qamshy.kz اقپارات اگەنتتىگى Tengrinews.kz سايتىنىڭ دەرەگىنە سۇيەنىپ.

«مەن سىزدەردەن ەشقايدا قاشپايمىن، دوس بولامىن. جانىمدا كەڭەسشىم بار، جۇمىس باستالىپ تا كەتتى»، - دەدى جاڭادان سايلانعان مينيستر.

سونداي-اق، ول قازىرگى ۋاقىتتا ءورت قاۋىپسىزدىگىنە باسا نازار اۋدارىپ وتىرعاندىعىن ايتتى.

«بىرنەشە شارالار جوسپارلانعان، قازىردە ول اقىرىنداپ جۇزەگە اسىپ كەلە جاتىر. ەڭ باستى ماسەلە – بۇگىندە ەلىمىزدە ۆرەميانكالار كوپ جانە ولاردىڭ باسىم كوپشىلىگى پەش جاعادى، ال ول پەشتەرى ورتكە قارسى قاۋىپسىزدىك شارالارىنا ساي كەلمەيدى. ولاردىڭ بارلىعىمەن پروفيلاكتيكالىق جۇمىستار جۇرگىزۋ ءۇشىن بۇكىل قازاقستانعا ءورت سوندىرۋشىلەر جەتپەيدى»، - دەپ ايتىپ ءوتتى مينيستر.

ءوز سوزىندە ۆەدومستۆو باسشىسى بارشا قازاقستاندىقتارعا قاراپايىم ءورت قاۋىپسىزدىك ەرەجەلەرىن ساقتاۋعا شاقىردى.

«ادامدار، ەڭ الدىمەن، وزدەرى جانە جاقىندارىنىڭ قامىن ويلاۋى ءتيىس. قانداي جاعداي بولسا دا، ۇنەمى مەملەكەت كىنالى دەپ ەسەپتەيدى. ءيا، ءبىز راسىمەن دە ءورت قاۋىپسىزدىگىن قاداعالايتىن جاۋاپتى مەكەمەمىز. الايدا، ءوز بالالارى، باسپاناسى مەن جاقىندارىنىڭ قاۋىپسىزدىگىنە، ەڭ ءبىرىنشى، تۇرعىندار جاۋاپتى»، - دەپ ايتىپ ءوتتى تۇرعىمبايەۆ.

ەستەرىڭىزگە سالا كەتەيىك، اعىمداعى جىلدىڭ 12 اقپانىندا ەرلان تۇرعىمبايەۆ ق ر ىشكى ىستەر ءمينيسترى قىزمەتىنە كىرىسكەنى بەلگىلى. ەكس-مينيستر قالمۇحامبەت قاسىموۆ بولسا ،ەلباسىنىڭ كەڭەسشىسى – قاۋىپسىزدىك كەڭەسىنىڭ حاتشىسى قىزمەتىنە تاعايىندالدى.

ال 18 اقپاندا ءنۇردىلدا وراز ق ر ىشكى ىستەر ءمينيسترىنىڭ كەڭەسشىسى قىزمەتىنە كىرىستى.

ۇسىنعان: نازەركە لابيحان