ءوز ۋاقىتىندا ءوزىنىڭ عاجايىپ وقيعاسىمەن تانىلىپ، مۇقىم دۇنيەگە اتى ءماشھۇر بولعان  امەريكالىق دەرەك اماتونىڭ باسىنان كەشكەندەرىن Qamshy.kz اقپارات اگەنتتىگى وقىرمان نازارىنا ۇسىنادى.

مۋزىكادان مۇلدەم الىس دەرەك وسىدان 13 جىل بۇرىن دانىشپان بولىپ وياندى. تاڭقالارلىعى، بۇل جايت دەرەك باسىنان قاتتى سوققى العاننان كەيىن بولعان.

وسىلايشا، باسى زاقىمدانعان ول ءبىر تۇندە دانىشپانعا اينالدى، ونىڭ ۇستىنە، قارجىسىز جانە ءۇيسىز جۇرگەن دەرەك شىنداپ مۋزىكامەن اينالىسىپ، اقشا تاپتى.

ول ءوزىنىڭ بارلىق بيزنەس ينۆەستيسيالارىنان ايىرىلىپ، اۆتوكولىكتە ۇيىقتاپ، جۇمىس ىزدەپ قينالىپ جۇرگەن كەزىندە، 2006 جىلدىڭ 27 قازانىندا باسسەينگە باتىپ، باسىنان قاتتى سوققى العان. ەسىن جيعان كەزدە ول ميىنىڭ مۋزىكاعا تولى بولعانىن ايتادى. كوز الدىنا اق-قارا جولاقتار ەلەستەپ، ويىنا بىردەن  فورتەپيانو تۇسكەن.

ناتيجەسىندە، ونىڭ ويى شىندىققا اينالدى. بۇرىن گيتاراداعى كەيبىر قاراپايىم اككوردتاردا عانا ويناعان دەرەك اماتو ەشقاشان مۋزىكالىق ءبىلىم الماعان، الايدا كەنەتتەن فورتەپيانودا ويناي باستايدى. 

ول «ساۆانتا» دەپ اتالاتىن ەڭ سيرەك كەزدەسەتىن سيندرومعا شالدىققان. بۇل سيندروم كەيبىر ادامدا تۋعان كەزىنەن بولادى. الايدا دەرەك سەكىلدى كەنەتتەن وسى سيندرومعا شالدىققان ادامداردىڭ سانى بۇكىل دۇنيە جۇزىندە 30-دان اسپايدى.

باسىنان العان سوققىدان كەيىن ول ەستۋ قابىلەتىنىڭ 35 پايىزىن جوعالتقان. الايدا دەرەك ەش وكىنبەيدى، كەرىسىنشە، ول ءوزىنىڭ كەرەمەت قابىلەتىنە يە بولعانىنا قۋانادى.

دەرەكتىڭ ايتۋىنشا، ول سوققى العانعا دەيىن بىرنەشە اي بويى اۆتوموبيلدە ءومىر سۇرگەن، قارجىلىق ماسەلەلەر ونى تىعىرىققا تىرەگەن. ەندى بارلىعى وزگەردى، ءقازىر ول كاسىبي مۋزىكانت.

ول "ءوزىنىڭ كەنەتتەن پايدا بولعان قابىلەتى سولاي تەز جويىلىپ كەتە مە؟!"،- دەپ قاۋىپتەنەدى. الايدا دارىگەرلەر "قابىلەتتىڭ جوعالىپ كەتۋىنە ەش ءقاۋىپ جوق" دەپ وتىر.

 ءقازىر دەرەك اماتو - 53 جاستا. ول كولورادو شتاتىنداعى دەنۆەردەندە تۇرادى. كاسىبي تۇردە مۋزىكامەن اينالىسادى.