ومىردە ءارتۇرلى جاعدايلار ورىن الىپ جاتاتىنى اقيقات. بىرەۋ الدايدى، قالتاڭدى قارمايدى. ءتىپتى سەنىمىڭە كىرىپ، تاقىرعا وتىرعىزىپ كەتۋى مۇمكىن. ءبىراق قالاي ساقتانعان دۇرىس؟ Qamshy.kz اقپارات اگەنتتىگى وسىعان بايلانىستى ءوزىڭىزدى الاياقتىقتان قالاي قورعاۋ كەرەكتىگىن جانە الاياقتاردىڭ  تابىسقا جەتۋىنە قالاي جول بەرمەۋدى انىقتاۋعا بولاتىن بىرنەشە كەڭەستەردى وقىرمان نازارىنا ۇسىنادى.

ءتىپتى ەڭ مۇقيات ءارى قىراعى ادام دا الاياقتىڭ قارماعىنا ءتۇسىپ قالۋى مۇمكىن. الاياقتار ءۇشىن اڭقاۋ ادامدار وڭاي ولجا ەكەنى راس. الداۋدىڭ ءتۇرلى قيتۇرقىلىق امالدارى كوپ. تەك  ولاردىڭ ارەكەتىن لوگيكالىق تۇرعىدان الدىن الا ويلاساڭىز عانا الدانباۋىڭىز بەك مۇمكىن. سونىمەن...

ەگەر سىزگە بەلگىسىز ادام ۇسىنىسپەن كەلسە...

1-قادام. ءوزىڭىزدىڭ ەسىمىڭىز بەن مەكەن-جايىڭىزدى قالاي بىلگەنىن سۇراڭىز. ەگەر ول ادام ناقتى جاۋاپ بەرە الماسا، ول ءسىز تۋرالى اقپاراتتى، ءسىدىڭ نومەرىڭىزدى ينتەرنەتتەن تاپقان بولۋى مۇمكىن.

2-قادام. ءسىز ونىڭ جەكە كۋالىگىن، اتالعان كومپانياعا قاتىستىلىعىن جانە ول ادامنىڭ لاۋازىمدىق قىزمەتىن سۇراڭىز. ولاردى مۇمكىندىگىنشە مۇقيات تەكسەرىڭىز. كوپتەگەن الاياقتاردىڭ ەشقانداي قۇجاتى بولمايدى. ەگەر ول سىزگە قاجەتتى قۇجاتتاردى بەرسە، ونى مۇقيات وقىپ شىعىڭىز، سەبەبى ول جالعان بولۋى دا مۇمكىن.

3-قادام. ول ادام كەلگەن كومپانياعا قوڭىراۋ شالىڭىز جانە ولاردىڭ سىزگە قىزمەتكەرىن جىبەرگەنىن تەكسەرىڭىز. ءاربىر رەسمي كومپانيانىڭ، ۇيىمنىڭ بايلانىس ءنومىرى بولادى. ەگەر ول ادام سىزگە جەكە تەلەفون ءنومىرىن ۇسىنعان بولسا نەمەسە مۇلدەم ءنومىرىن بەرۋدەن باس تارتسا، وندا ونىڭ الاياق ەكەنى ايدان انىق.

4-قادام. الاياق مۇمكىندىگىن جىبەرىپ الماۋ ءۇشىن ءسىزدى دەرەۋ بىردەڭە جاساۋعا سەندىرۋگە تىرىسادى. ءبىرىنشى قاراعاندا كەرەمەت بولىپ كورىنەتىن مۇمكىندىكتەردەن ساق بولىڭىز، ونىڭ جالعان بولىپ شىعۋى دا ابدەن مۇمكىن.

5-قادام. كومپانيا تۋرالى جانە ونىڭ قىزمەتتەرى تۋرالى عالامتورداعى پىكىرلەردى مىندەتتى تۇردە قاراڭىز. وندا الاياقتار تۋرالى جاڭالىقتار وتە تەز تارالدى. ءسىز ءارقاشان ءوز پىكىرلەرىمەن بولىسەتىن ارنايى سايتتاردان قاجەتتى اقپاراتتى تابا الاسىز. الاياقتار باسقا كومپانيالاردان ەرەكشەلەنىپ تۇرادى.

6-قادام. تاۋارلار مەن قىزمەتتەردىڭ اقىسىن قالاي تولەيتىنىڭىزدى ءبىلىڭىز. الاياقتار قاجەتتى اقشانى سول جەردە قولما-قول نەمەسە ونلاين تۇرىندە اۋدارتىپ الۋعا تىرىسادى.  بۇل دەگەنىمىز، تولەم جاسالعاننان كەيىن اقشا بەرگەنىڭىزدى دالەلدەۋگە نەمەسە الاياقتىڭ كىم ەكەنىن بىلۋگە بىردەن-بىر مۇمكىندىك بولمايدى.

ەگەر ءسىز الاياققا الدانىپ، ونىمەن مامىلە جاساساڭىز، ول سىزدەن بۇل تۋرالى ەشكىمگە ايتپاۋىڭىزدى سۇراۋى مۇمكىن. مامىلەدەن كەيىن الاياق سىزدەن مۇمكىندىگىنشە كوپ اقشا الۋعا تىرىسادى. وسى ساتتە ءسىز سەنگەن ادامىڭىزدان كۇدىكتەنە باستايسىز، الايدا ءۇمىتىڭىزدى ۇزبەۋىڭىز مۇمكىن. سەبەبى، ءسىز الدانعانىڭىزدى مويىنداعىڭىز كەلمەيدى. كەيىن توزىمدىلىگىڭىزدىڭ امالى تاۋسىلعاندا، الاياقتىڭ جوسپارىن اشقىڭىز كەلسە، ول ءىس-تۇسسىز جوعالىپ كەتەدى. بارلىق نومىرلەرى جانە ونىمەن سويلەسۋدىڭ باسقا جولدارى كەنەتتەن قول جەتىمسىز بولىپ قالادى. سوندىقتان الاياقتىڭ قۇرىعىنا تۇسپەۋ ءۇشىن بەيتانىس ادامدارعا سەنبەڭىز، مۇقيات بولىڭىز.

 بايلانىسسىز الاياقتىق

كونتاكتسىز الاياقتىق عالامتوردا SMS ارقىلى جانە سول سياقتى ادىستەرمەن جۇرەدى، ياعني، الاياقتىڭ اداممەن جەكە بايلانىسقا شىعۋىن تالاپ ەتپەيدى. بۇل ەڭ ءقاۋىپتى ادىستەردىڭ ءبىرى جانە بۇگىندە ول ەڭ كوپ تارالعان ءادىستىڭ ءبىرى، ويتكەنى الاياق ادام وزىنە ءقاۋىپ توندىرمەيدى جانە ءىس جۇزىندە ەشقانداي كۇش جۇمساماستان الەۋمەتتىك جەلىدە بىردەن كوپ ادامدى الداي الادى.

بايلانىسسىز الاياقتىق قانداي بولۋى مۇمكىن؟

مۇمكىن بولاتىن جاعدايلار جانە ولاردىڭ شەشىمدەرى

1-جاعداي. سىزگە ۇلكەن جۇلدەگە يە بولعاندىعىڭىز تۋرالى حابارلاما كەلەدى. ۇتىسىڭىزدى الۋ ءۇشىن از كولەمدەگى اقشا جىبەرۋ نەمەسە سالىق تولەۋىڭىزدى سۇرايدى. مۇنداي ساتتە ءوزىڭىز رەسمي لوتەرەيالارعا قاتىسپاعان بولساڭىز، بۇل حاباردى ەلەمەڭىز جانە ونى بىردەن جويىڭىز.

2-جاعداي. سىزگە بانك كارتاڭىزدىڭ بلوكقا تۇسكەنى تۋرالى ماتىندىك حابارلاما كەلەدى. ونىڭ قۇلپىن اشۋ ءۇشىن سىزگە قاۋىپسىزدىك كودىڭىزدى جىبەرۋ سۇرالادى.

ءتىپتى ناقتى بانك قىزمەتكەرى دە سىزدەن قاۋىپسىزدىك كودىن سۇراۋعا قۇقىلى ەمەس. بۇل حاباردى ەلەمەڭىز. سونداي-اق، كارتاڭىزدىڭ جاعدايىن تەكسەرۋ ءۇشىن ءوز كارتاڭىزدى شىعارعان بانككە حابارلاسۋىڭىزعا بولادى.

3-جاعداي. ءسىز سۋرەتكە، مۋزىكاعا، بەينەگە، ءموبيلدى قوسىمشاعا، باعدارلاماعا، قۇجاتقا جانە ت.ب. سىلتەمە بار حاباردى الدىڭىز.

بۇل سىلتەمەگە كىرمەڭىز. وسىلايشا، الاياقتارعا تەلەفوندى، پلانشەتتى نەمەسە كومپيۋتەردى بۇزۋعا، جەكە دەرەكتەردى الۋعا جانە سىزدەن اقشا ۇرلاۋ ءۇشىن پايدالانۋعا كومەكتەسەتىن ۆيرۋستان ساقتانا الاسىز. ونداي سسىلكالار اقىلى ۆيرۋستار اۆتوماتتى تۇردە جازىلۋى مۇمكىن. مۇنداي شابۋىلدان قورعاۋ ءۇشىن تەلەفونعا، پلانشەتكە نەمەسە كومپيۋتەرىڭىزگە انتيۆيرۋس ورناتىپ، ونى ۇنەمى جاڭارتىپ وتىرۋىڭىز كەرەك.

4-جاعداي. ءسىز عالامتور ارقىلى زات ساتقان بولساڭىز، ساتىپ الۋشى سىزگە قوڭىراۋ شالىپ، تىكەلەي بانك كارتاڭىزعا اقشا اۋدارۋ ءۇشىن كارتانىڭىزدىڭ ءنومىرىن، قاۋىپسىزدىك كودىن جانە باسقا مالىمەتتەردى ءسۇراۋى مۇمكىن.

ساتىپ الۋشىعا اقشا اۋدارۋى ءۇشىن كارتوچكاڭىزدىڭ ءنومىرىن ايتۋعا بولادى. ال اقشانى اۋدارۋعا كارتانىڭ قاۋىپسىزدىك كودى، جارامدىلىق مەرزىمى جانە باسقا دا دەرەكتەر قاجەت ەمەس، الايدا الاياقتار ءسىزدىڭ كارتاڭىزدان اقشانى ۇرلاۋ ءۇشىن سونى بىلۋگە تىرىسۋى ابدەن مۇمكىن.

بۇل كەڭەستەر ءسىزدى الاياقتاردان 100 پايىز قۇتقارمايدى، ءبىراق سىزگە قورعانىس پەن قاۋىپسىزدىككە قول جەتكىزۋگە مۇمكىندىك بەرەدى. الايدا ءبىرىنشى كەزەكتە ءبارى سىزگە جانە ءسىزدىڭ ىس-ارەكەتىڭىزگە بايلانىستى ەكەندىگىن ەستەن شىعارماۋ كەرەك.