16 جاستاعى قىزدارعا اتا-اناسىنىڭ رۇقساتىنسىز تۇسىك جاساتۋعا رۇقسات بەرۋ تۋرالى ۇسىنىس كوپشىلىكتىڭ تالقىلاۋىنا ءتۇستى. مينيسترلىك حالىق دەنساۋلىعى جانە دەنساۋلىق ساقتاۋ جۇيەسى تۋرالى كودەكس جوباسىنىڭ قازىرگى رەداكسياسىندا بۇل ۇسىنىستان باس تارتتى، - دەپ حابارلايدى Qamshy.kz اقپارات اگەنتتىگى Tengrinews.kz سايتىنىڭ دەرەگىن نەگىزگە الىپ. 

"16 جاستاعى جاسوسپىرىمدەرگە مەديسينالىق كەڭەس پەن كومەك كورسەتىلۋى تۋرالى نورما كوپشىلىكتىڭ تالقىلاۋىنا ءتۇسىپ، ول سوڭىندا تۇسىك ماسەلەسىنە الىپ كەلدى. ءبىز تۇسىككە جاقتاسىپ جاتقانىمىز جوق، كەرىسىنشە كەرەك ەمەس جۇكتىلىكتىڭ الدىن الۋ شاراسىن ايتىپ جاتىرمىز. سوندىقتان كودەكس جوباسىنىڭ رەداكسياسىندا 16 جاستاعى جاسوسپىرىمدەرگە مەديسينالىق قىزمەت رۇقسات بەرۋ مەن 18 جاستان باستاپ اتا-اناسىنىڭ جانە زاڭدى وكىلدەرىنىڭ رۇقساتىنسىز تۇسىك جاساۋ تۋرالى ايتىلدى. 18 جاسقا دەيىنگى جاسوسپىرىمدەر تۇسىكتى اتا-انانىڭ جانە زاڭدى وكىلدەرىنىڭ رۇقساتىمەن عانا جاساي الادى"، - دەدى قوعامدىق دەنساۋلىق ساقتاۋ ساياساتى دەپارتامەنتىنىڭ ديرەكتورى ايجان ەسماعامبەتوۆا.

2018 جىلدىڭ كۇزىندە دەنساۋلىق ساقتاۋ مينيسترلىگىنىڭ وكىلدەرى 16 جاستاعى قىزدارعا تۇسىك جاساتۋعا رۇقسات بەرۋ تۋرالى ۇسىنىس جاساعان.

2017 جىلى  ءۇش جارىم مىڭ وقۋشى قىزدار انا اتانعان.

"ءبىزدىڭ بالالار 16 جاسىندا وزدەرىنە كوپ جاۋاپكەرشىلىك الادى. ولارعا مەديسينالىق كومەكتىڭ كەز كەلگەن ءتۇرىن الۋى قاجەت. ءبىز ولاردى بارلىق جاعىنان قىسپاقتايمىز. ساراپشىلاردىڭ ايتۋىنشا، ولاردىڭ تاربيەسىنە ءمان بەرمەگەندىكتەن وزىنە-وزى قول جۇمساپ تۇسىك جاساتادى"، - دەدى ەلجان ءبىرتانوۆ ۇسىنىسقا ءوز ويىن ءبىلدىرىپ.

ۇسىنعان: اسەل بولات قىزى