سينوپتيكتەردىڭ ناۋرىز ايىنا جاساعان بولجامى الماتىداعى توتەنشە جاعداي قىزمەتىنىڭ ماماندارىن قاتتى الاڭداتىپ وتىر. ولار تاسقىننىڭ الدىن الۋعا تەحنيكا سايلاپ، قازىردەن باستاپ قامدانۋعا كىرىسكەن دەپ حابارلادى Qamshy.kz اقپارات اگەنتتىگى كتك تەلەارناسىنىڭ دەرەگىن نەگىزگە الىپ. 

ويتكەنى قالادا قىزىل سۋ باسۋى مۇمكىن 12 اۋماق بار. ولار الاتاۋ، ناۋرىزباي، جەتىسۋ اۋداندارىندا. ەكى جىل بۇرىن تاسقىنعا توسقىن بولۋ ءۇشىن قالا قازىناسىنان 12 ملرد 700 ميلليون تەڭگە ءبولىنىپتى. بۇل قىرۋار قارجى توتەنشەلىكتەر ءۇشىن جەتكىلىكسىز بولعان كورىنەدى. الىپ شاھاردا ارىق جۇيەسى ءالى دە جۇرگىزىلمەگەن اۋداندار بار ەكەنىن ماماندار مويىنداپ وتىر. الداعى ۋاقىتتا بۇل ولقىلىقتىڭ ورنىن تولتىرىپ، تاسقىننىڭ الدىن الۋعا تاس ءتۇيىن دايىن بولامىز دەيدى قۇتقارۋشىلار. بيىل تاۋ جاقتا قار جىلداعىدان كوپ تۇسكەن. سوندىقتان تاۋلى ايماقتاردا كوشكىن ءجۇرۋى دە ىقتيمال.

ەرلان الىبەكوۆ، الماتى قالاسى تجد باستىعىنىڭ ورىنباسارى:

— تاۋلى ايماقتاردا قاردىڭ بيىكتىگى 46-86 سم قۇرايدى. قاتقان جەردىڭ قالىڭدىعى 20 سم. تابيعي جانە تەحنوگەندى توتەنشە جاعدايلاردىڭ سالدارىن جويۋعا الماتى اكىمدىگى رەزەرۆىندە 5 ملرد تەڭگە قاراستىرىلدى. اي سوڭىندا قالانىڭ سەگىز اۋدانىن قوقىستان تازارتۋ جانە وزەن ارنالارىن تازارتۋ جۇمىستارى جۇرگىزىلەتىن بولادى.

ۇسىنعان: اسەل بولات قىزى