حورۆاتيانىڭ سولتۇسىتىگىندەگى پولوۆەس اۋىلىندا 18 جىل بۇرىن جوعالىپ كەتكەن قىزدىڭ ءمايىتى تابىلدى. بۇل جايىندا Qamshy.kz اقپارات اگەنتتىگى جەرگىلىكتى Index.hr سايتىنىڭ مالىمەتىنە سۇيەنىپ حابارلايدى.

ياسمينا دومينيچ ەسىمدى قىز 2000 جىلى جوعالىپ كەتكەن، ول كەزدە 23 جاستا بولىپتى. العاشىندا تۋىستارى ونى "فرانسياعا كەتىپ قالعان، سول جاقتا جۇمىس ىستەپ ءجۇر" دەپ ايتقان. ولار تەك 2005 جىلى عانا پوليسياعا جۇگىنگەن. پوليسيا قىزمەتكەرلەرى ءۇيدىڭ سىرتىن تولىقتاي ىزدەپ، ىشىنە كىرمەگەن ەكەن.

بەلگىلى بولعانىنداي، وسى ۋاقىتقا دەيىن جوعالىپ كەتكەن قىزدىڭ ءمايىتى ۇيدەگى بولمەلەردىڭ بىرىندە توڭازىتقىشتا ساقتاۋلى بولىپتى. بۇگىندە ول ۇيدە ياسمينانىڭ ۇلكەن اپكەسى كۇيەۋىمەن تۇرادى. سونداي-اق، ول ۇيدە قىزدىڭ اكەسى دە تۇرعان ەكەن، ول ەكى جىل بۇرىن كوز جۇمعان. ال اناسى بولسا گەرمانيادا جۇمىس ىستەيدى.

جەرگىلىكتى باق-تىڭ دەرەكتەرىنە سايكەس، ۇيدە ەلەكتر توعى ءوشىپ قالىپ، ءمايىتتىڭ ءيىسى شىعا باستاعان، سول ارقىلى تابىلعان ەكەن. ياسمينانىڭ ءمايىتىن ونىڭ اپكەسىنىڭ كۇيەۋى تاۋىپ العان بولۋى مۇمكىن دەگەن دەرەكتەر دە بار.  بۇل ۋاقىتقا ۇيىندە توڭازىتقىش ورناتىلعان كامەرا بار ەكەنىن بىلمەپتى.

پوليسيا قىزمەتكەرلەرى "ياسمينانى ونىڭ اپكەسى ولتىرگەن بولۋى مۇمكىن" دەپ كۇدىكتەنۋدە. بولعان جايتتىڭ ءمان-جايىن انىقتاۋ ماقساتىندا پروكۋراتۋرا دنك ساراپتاماسى مەن مەديسينالىق ەكسپەرتيزا جاساماق. راستالماعان دەرەكتەرگە سايكەس، 45 جاستاعى ايەل قاماۋعا الىنىپ، تەرگەۋ يزولياتورىنا قامالىپتى.

ۇسىنعان: نازەركە لابيحان