قىزىلوردا وبلىسىنىڭ اكىمى ق.كوشەربايەۆ اقسۋات اۋىلدىق وكرۋگىنىڭ تۇرعىنى ءجاميلا سادۋوۆاعا جاڭا پاتەردىڭ كىلتىن تابىستادى دەپ حابارلايدى Qamshy.kz اقپارات اگەنتتىگى.

«اقمەشىت» ورتالىق مەشىتىنىڭ اۋماعىندا ءداستۇرلى «جۇرەك جىلۋى» قايىرىمدىلىق اكسياسى ءوتتى. شارا اياسىندا از قامتىلعان 1600 استام وتباسىنا ازىق-تۇلىك تاراتىلدى.

«جابىرقاعاننىڭ جانىنان تابىلۋ، شاراسىزعا كومەك قولىن سوزۋ، قايىرىمدىلىق جاساۋ – حالقىمىزدىڭ قانىنا بىتكەن اسىل قاسيەتتەردىڭ ءبىرى. وزدەرىڭىز بىلەسىزدەر، وسىدان بىرەر اي بۇرىن، ءۇش بىردەي بۇلدىرشىنىمىزدەن قاپيادا كوز جازىپ قالدىق. بۇل قايعىلى جاعداي تەك ءبىر وتباسىنىڭ عانا ەمەس، تۇتاس ەلدىڭ قابىرعاسىن قايىستىرىپ، ەڭسەمىزدى ءتۇسىردى. ءبىراق، اللانىڭ ىسىنە امال بار ما؟! حالقىمىزدا "قايعىنى بولىسسەڭ ازايادى..." دەگەن ءسوز بار. ولاي بولسا، سول ءۇش ءبۇلدىرشىنىمىزدىڭ اناسى ءجاميلا ءسادۋوۆا قارىنداسىمىزعا سىرداريا وزەنىنىڭ سول جاعالاۋىنداعى جاڭا قالادان 2 بولمەلى پاتەردىڭ كىلتىن تابىستاعالى وتىرمىز»،-دەدى ايماق باسشىسى.

سونداي-اق،  جەرگىلىكتى كاسىپكەرلەر مەن قوعام بەلسەندىلەرىنىڭ دەمەۋشىلىگىمەن 1600 استام از قامتىلعان جانۇيالارعا ازىق-تۇلىك پاكەتتەرى تاراتىلدى. قايىرىمدىلىق شاراسى اياسىندا قارجىلىق كومەك كورسەتۋدى قالاعان جاندار ءۇشىن «اقمەشىت-سىرداريا» ورتالىق مەشىتى اۋماعىندا ارنايى جاشىك قويىلدى. ءاربىر مەكەنجايعا ازىق-تۇلىكتەردى جەتكىزەتىن كولىكتەر ۇيىمداستىرىلدى.

ايتا كەتەيىك، قايىرىمدىلىق شارالارىن وتكىزۋ ايماقتىڭ يگى داستۇرىنە اينالعان.

كوپبالالى وتباسىلارعا قولداۋ كورسەتۋ ماقساتىندا ايماقتا  جۇيەلى جۇمىستار جۇرگىزىلۋدە: از قامتىلعان وتباسىلاردىڭ، اسىرەسە، اۋىلدىق جەردەن شىققان تالاپتى بالالاردى وقىتۋعا وبلىس اكىمىنىڭ ارنايى گرانتى تاعايىندالىپ كەلەدى. وسى ءبىلىم گرانتىنىڭ نەگىزىندە 2013 جىلدان باستاپ 900 جۋىق تالاپتى جاس ەلىمىزدىڭ بەلدى جوعارى وقۋ ورىندارىندا ءبىلىم الۋدا.

اپاتتىق جاعدايداعى تۇرعىن ۇيلەر مەن جاتاقحانالاردىڭ تۇرعىندارى «وردا» باعدارلاماسى اياسىندا جاڭا پاتەرگە يە بولدى. ەستەرىڭىزگە سالايىق، 2017 جىلى ايماقتىق «وردا» تۇرعىن ءۇي قۇرىلىسىنا باعىتتالعان جول كارتاسى ازىرلەنگەن بولاتىن. باعدارلاما شەڭبەرىندە 19 جىلعا دەيىنگى 35 مىڭنان 43 مىڭ تەڭگەگە دەيىن تولەممەن، 20%  الدىن-الا تولەمسىز 500 مىڭ كەپىلدىك جارناسى ارقىلى پاتەر الۋعا بولادى. باعدارلاما شارتتارىنا سايكەس، باسپانا كەزەگىندە تۇرعان كوپبالالى جانە تولىق ەمەس وتباسىلار؛ مۇگەدەك بالاسى بار نەمەسە مۇگەدەك بالا تاربيەلەۋشى وتباسىلار؛ جەتىم بالالار مەن اتا-اناسىنىڭ قامقورلىعىنسىز قالعان بالالار؛ 1-2 توپ مۇگەدەكتەرى؛ ورالماندار؛ سونداي-اق،  2 جىل نەكەدە تۇرعان، بالالارى بار ەرلى-زايىپتىلاردىڭ جاسى 35-كە تولماعان وتباسىلارعا الۋعا بولادى. وسىلايشا ايماقتىق «وردا» باعدارلاماسى ەلباسىنىڭ «7-20-25» باستاماسىنىڭ جالعاسى بولىپ سانالادى.

ەستەرىڭىزگە سالايىق، 13 اقپاندا وتكەن وبلىس اكىمىنىڭ ەسەپتى كەزدەسۋىندە ايماق باسشىسى الەۋمەتتىك از قامتىلعان وتباسىلاردى باسپانامەن قامتۋعا بايلانىستى ارنايى وڭىرلىك باعدارلاما ازىرلەۋدى تاپسىرعان ەدى.

ۇسىنعان: گۇلىم جاقان