2020 جىلى توكيودا وتەتىن وليمپيادا ويىندارىنا جاۋاپتى جاپوندىق مينيستر ەسيتاكا ساكۋرادا پارلامەنت كوميتەتىنىڭ جيىنىنا 3 مينۋت كەشىككەنى ءۇشىن جاريا تۇردە كەشىرىم سۇراۋعا ءماجبۇر بولدى، دەپ جازادى Qamshy.kz اقپارات اگەنتتىگى Bbc.com سايتىنىڭ مالىمەتىن نەگىزگە الىپ.

وتكەن جىلى ساكۋرادا ءوزىنىڭ كومپيۋتەردى قولدانا المايتىنىن ايتقان بولاتىن.

جاپوندىق مينيستر بيۋدجەتكە بايلانىستى جينالىسقا 3 مينۋت كەشىككەن. جيىنعا قاتىسىپ وتىرعان وپپوزيسيالىق دەپۋتاتتار ءمينيستردى "ءوزىنىڭ قىزمەتىنە جاۋاپسىز قارادى" دەپ ايىپتاپ، جينالىس بارىسىندا وعان 5 ساعات بويكوت جاريالاعان.

ايتا كەتەيىك، 2020 جىلى قازان ايىندا وتەتىن وليمپيادا ويىندارىنا جاۋاپتى تۇلعا رەتىندە سايلانعان ساكۋرادا 2018 جىلدان بەرى كوپ سىنعا ىلىگەتىن بولعان.

جەرگىلىكتى باق-قا بەرگەن سۇحباتتارىنىڭ بىرىندە كومپيۋتەرمەن اتقارىلاتىن جۇمىستىڭ ءبارىن ءوزىنىڭ قاراماعىنداعى جۇمىسكەرلەرگە تاپسىراتىنىن ايتقان. كەيىننەن دەپۋتاتتار ونىڭ وتستاۆكاعا كەتۋىن تالاپ ەتىپتى، الايدا ساكۋرادا ورنىنا ءالى كەتپەدى.

ۇسىنعان: نازەركە لابيحان