1. ەلدى ەكىگە ايىرعان قىتايداعى ەتنيكالىق قازاقتار ماسەلەسى جانە سايراگۇل ءىسى جايىندا ءار ءتۇرلى وسەك ايتىپ، انانى-مىنانى جامانداپ كۇنالى بولعانشا، الدىمەن سەءنى ومىرگە اكەلگەن، جانناتتىڭ كىلتى بولىپ تابىلاتىن انالار ءماسەلەسىن كوتەرىپ، ساۋاپ جينا!
2. فەيسبۋكتا وتىرىپ، دالباسا پوستتارعا پىكىر جازىپ جالعان ويشىل، وتىرىك باتىر بولعانشا، ەلىمىزدە ابدەن قوردالانىپ، ونىڭ ارتى ۇلكەن الەۋمەتتىك داۋعا اكەلگەن
انالار ماسەلەسىندە ىسپەن اينالىسىپ، حالقىنىڭ شىنايى پاتريوتى بول!
3. بولمايتىن ىسكە التىن ۋاقىتىڭدى الىپ، ەش ءمان-ماعىناسى، بەرەر تاربيەسى جوق پوستقا پىكىر جازىپ، اقىلگوي داناسىماق بولعانشا، قازاعىمنىڭ نامىسىن جوعارى ۇستايتىن، ەلىمىزدىڭ بولاشاق عالىمدارىن، دانالارىن، سپورتشىلارى مەن باتىرلارىن ومىرگە اكەلەتىن انالارعا كونستيتۋسيالىق قۇقىقتارىن ءتۇسىندىر، ءوزىنىڭ قيىن ماسەلەسى بويىنشا كىمگە، قالاي ارىز جازاتىنىن كورسەت، باعىت-باعدار بەر!
4. اكىمدەردىڭ ادەمى سوزىنە سەنبەي، ءوز وڭىرىندە، قالاڭدا، اۋىلدا "انا مەن بالا" ماسەلەسى تۋرالى تاۋەءلسىز كوميسسيا ارقىلى تولىق مالىمەت، دالەءلدى دەرەكتەر جيناقتاپ، ولاردى جەرگىلىكتى اكىم-باسشىلارعا ۇسىن!
5. ءوز تۇراتىن جەرىندەگى اشىنعان انالاردىڭ جاعدايىن ءوز كوزىڭمەن كورۋ ءۇشىن ۇيىنە بار! انانىڭ جانايقايىن ءوز قۇلاعىڭمەن تىڭدا، ورنىنا ءوز اناڭدى قويىپ، كوز الدىڭا ەلەستەت، جۇرەگىڭمەن سەزىن!
6. قولىندا ارتىق اقشاڭ بولسا، ونى جامان نارسەگە جۇمساماي، جاعدايىڭ جەتسە ساۋاپتى ىسكە، ياعني، كوپ بالالى انالارعا پاتەر الىپ بەرۋگە، قارجىلاي قولداۋعا كومەگىڭدى بەر! ەڭ بولسا مورالدىق قولداپ، زاڭدىق كەڭەس بەرىپ، انالىق اق باتاسىن، پەرىشتە بۇلدىرشىندەردىڭ ريزاشىلىعىن ال!
7. ودان كەيىن ساياسي مادەنيەتىڭ جانە زاڭدىق ساۋاتىڭ جەتسە عانا، ءىستى ۋشىقتىرماي، تاۋەلسىزدىگىمىزگە نۇقسان كەلەتىن جالعان اقپاراتتار ارقىلى ارانداتپاي قىتايداعى قىسىمشىلىق كورىپ جاتىرعان تەك قانا ەتنيكالىق قازاقتار ماسەلەسىمەن اينالىس! ازاماتتىق ۇستانىمىڭدى كورسەتىپ، دالەلدى وي-پىكىرىڭدى اشىق جاز، قولداپ ءۇنىڭدى قوس! ال، قىتايداعى قىسىم كورىپ جاتقان وزگە ەتنوستار ءوز ماسەلەلەرىن وزدەرى شەشەر!
تالعات قاتاۋوۆ، قوعام قايراتكەرى
ورال قالاسى
